कानपूर, उत्तर प्रदेश येथून एक धक्कादायक घटना समोर आली आहे. लग्नाच्या तीन दिवस आधी एका तरुणाची हत्या करण्यात आली असून, त्याचे प्रायव्हेट पार्टही कापले आहेत. तरुणाचा मृतदेह शेतात पडलेला दिसल्यानंतर लोकांनी पोलिसांना माहिती दिली.

घटनेची माहिती मिळताच पोलिसांनी घटनास्थळ गाठून मृतदेह ताब्यात घेतला आणि शवविच्छेदनासाठी पाठवून तपास सुरू केला.

मिळालेल्या माहितीनुसार, बुधवारी सकाळी काही ग्रामस्थ दुपारच्या नदीकडे जात होते. यादरम्यान तारगाव येथील नीलम यादव यांच्या शेतात तरुणाचा मृतदेह दिसला. ही माहिती गावात पसरल्यानंतर एकच खळबळ उडाली.

तत्काळ संपूर्ण प्रकरणाची माहिती पोलिसांना देण्यात आली. पोलिसांनी घटनास्थळी पोहोचून आढावा घेतला. पोलिसांना घटनास्थळावरून दारूचे रिकामे पाऊच आणि दोन ग्लास सापडले आहेत.

तरुणाने सफेद पॅन्ट आणि सफेद शर्ट परिधान केला होता. त्याचे वय 27 वर्षांच्या दरम्यान असल्याचे सांगण्यात येत आहे. फॉरेन्सिक टीमने पुरावे गोळा केले असून, पोलिसांनी मृतदेह ताब्यात घेऊन पोस्टमॉर्टमसाठी पाठवला आहे.

धर्मेंद्र कुरील असे मृत तरुणाचे नाव आहे. बुधवारी त्याच्या हळदीचा सोहळा पार पडला. हळदीच्या अंगाने तो घराबाहेर पडला. तीन दिवसांनी त्याचे लग्न होते, मात्र लग्नाच्या अवघ्या तीन दिवस आधी त्याची हत्या करण्यात आली आहे.

दरम्यान, त्याची हत्या कोणी आणि कोणत्या कारणासाठी केली असा प्रश्न सध्या उपस्थित केला जात आहे. पोलिस तरूणाच्या कुटुंबीयांनी दिलेल्या तक्रारीच्या आधारे तपास करत आहेत.

रात्री तरुण बेपत्ता झाला, तेव्हा त्याच्या बेपत्ता झाल्याची माहिती नातेवाइकांनी पोलिसांना का दिली नाही. खून करताना त्याचा प्रायव्हेट पार्ट कापण्यात काय अर्थ आहे? या तरुणाकडे कोट्यवधींची मालमत्ता होती. त्याची हत्या कोण करू शकते? अशा मुद्यांच्या आधारे पोलीस घटनेचा तपास करत आहेत.