UP: उत्तरप्रदेशचे मुख्यमंत्री योगी आदित्यनाथ यांनी नुकताच मुंबईदौरा केला होता. उत्तरप्रदेशमध्ये फिल्मसिटी उभारण्याचा प्रयत्न केला जाणार असल्याची माहीती समोर आली होती.

या पार्श्वभूमीवर योगी आदित्यनाथ यांनी चित्रपटसृष्टीतील काही मोठ्या कलाकारांची भेट घेतल्याचे दिसून आले आहे. फक्त कलाकारच नाही तर मुंबई( Mumbai) मधील मोठ्या उद्योजकांच्या भेटीदेखील त्यांनी घेतल्या आहेत. योगी आदित्यनाथ यांनी या भेटीदरम्यान उत्तरप्रदेशसाठी ५ लाख कोटींची गुंतवणूक केली आहे.

फेब्रुवारी महिन्यात उत्तर प्रदेशमध्ये ग्लोबल इन्व्हेस्टर्स समिटचे आयोजन करण्यात आले आहे. यामध्ये उद्योजकांना सहभागी होण्याचे निमंत्रित देण्यासाठी योगी आदित्यनाथ हे दोन दिवसीय मुंबई दौऱ्यावर आले होते.

रिलायन्स समुहाचे प्रमुख मुकेश अंबानी यांच्यासह टाटा सन्स, अदानी समूह, गोदरेज, बिर्ला, पिरामल, वेदांत, पार्ले, हिंदुजा, लोढा आदी कंपनीच्या अधिकाऱ्यांची भेट घेतली. दरम्यान, विविध उद्योजकांनी उत्तर प्रदेशमध्ये पाच लाख कोटी रुपयांनी गुंतवणूक करण्याचे आश्वासन दिल्याची माहिती उत्तर प्रदेश(UP) सरकारकडून देण्यात आली आहे.