Indian Railways : भारतीय रेल्वेतून रोज लाखो प्रवाशी प्रवास करतात. तुम्हीही रेल्वेतून प्रवास केलाच असेल. रेल्वेतून प्रवास करताना रेल्वे कसे काम करते? तसेच रेल्वे स्थानकाचे नाव पिवळ्या पाटीवर का लिहीलेले असते? असा प्रश्न तूम्हाला नक्कीच पडला असेल. तर चला जाणून घेवूया स्थानकाचे नाव पिवळ्या पाटीवर का असते?

भारतातील रेल्वे स्थानकांची नावे तसेच इतर ठरावीक फलक नेहमी पिवळ्या पाटीवर ठळकपणे काळ्या अक्षरात लिहीलेली असतात. यामागे काही वैज्ञानिक गोष्टी आहेत. याचे पहिले कारण म्हणजे पिवळ्या पाटीवर लिहीलेली काळ्या रंगातील अक्षरे दुरुन ठळकपणे दिसतात. त्यामुळे रेल्वेच्या चालकाला सूचना आणि स्थानकाचे नाव स्पष्ट दिसते. फलक स्पष्ट दिसल्याने प्रवाशांनाही सोयीचे होते. पिवळा रंग दूरुन सकाळी आणि रात्री चमकदार स्पष्टपणे दिसतो.

रेल्वे स्थानकावरील काही निर्देश फलकही पिवळ्या रंगाचे असतात. कारण पिवळा रंग डोळ्यांना त्रासदायक नसल्याने डोळ्यांना सुखावणारा असतो. त्यामुळे प्रवाशांना गर्दीच्या ठिकाणी निर्देश फलक सोपे जाते.