देशाची राजधानी दिल्लीसह अनेक राज्यांमध्ये थंडीची लाट पसरली आहे. हवामान विभागाने दिलेल्या माहितीनुसार, पुढील 24 तास उत्तर भारतीय राज्यांमध्ये थंडीची लाट कायम राहणार आहे. भारतीय हवामान खात्यानेही (IMD) अनेक राज्यांमध्ये मुसळधार पावसाची शक्यता वर्तवली आहे. त्याचबरोबर पश्चिम हिमालयीन भागात 2 ते 4 फेब्रुवारीदरम्यान पावसासह हिमवृष्टी होण्याची शक्यता आहे.

जाणून घ्या कोणत्या राज्यात कसे असेल हवामान

दिल्ली:

या संपूर्ण आठवड्यात पाऊस पडणार नाही, असे हवामान खात्याने सांगितले आहे. मात्र थंडीची लाट कायम राहणार असून 3 फेब्रुवारीला दिल्लीत हलका पाऊस पडण्याची शक्यता आहे.

उत्तर प्रदेश:

पर्वतांवर झालेल्या हिमवृष्टीचा परिणाम संपूर्ण उत्तर भारतात दिसून येत आहे. उत्तर प्रदेशात थंडीची लाट आली आहे. लखनऊमध्ये कमाल तापमान 18 अंश तर किमान तापमान 20 अंश राहण्याचा अंदाज आहे.

जम्मू-काश्मीर

काश्मीरमध्ये थंडीची लाट पसरली आहे. पुढील काही दिवस असेच वातावरण राहणार असून 31 जानेवारीपासून राज्यातील अनेक भागात पाऊस (Rain) आणि बर्फवृष्टी (snow) होण्याची शक्यता हवामान खात्याने वर्तवली आहे.

राजस्थान

राजस्थानमध्ये आणखी काही दिवस थंडीची लाट कायम राहणार आहे. येत्या दोन ते तीन दिवसांत जयपूर आणि उदयपूरसारख्या शहरांमध्ये तापमानात चढ-उतार होऊ शकते असे हवामान खात्याने अंदाज वर्तविला आहे.

पंजाब

या राज्यात सध्या कडाक्याची थंडी आहे. हवामान खात्याच्या अंदाजानुसार पुढील दोन तीन दिवस थंडी कायम राहणार आहे. आज पंजाबमध्ये (Punjab) कमाल आणि किमान तापमान 5 अंश सेल्सियस राहण्याचा अंदाज आहे.