उत्तर प्रदेशमध्ये मतदानाची (UP Election 2022) तारीख जवळ येत चालली आहे, तर उमेदवारांच्या समर्थनार्थ मत मागण्यासाठी स्टार प्रचारकांच्या हालचालीही वाढल्या आहेत. मात्र अनेक ठिकाणी त्यांना विरोधही होत आहे. अशा परिस्थितीत आज (शनिवारी) मेरठमध्ये भाजपच्या स्टार प्रचारक बबिता फोगट यांच्या ताफ्यावर काही लोकांनी हल्ला केला.

मिळालेल्या माहितीनुसार, बबिता फोगट मेरठ जिल्ह्यातील शिवलखास विधानसभा मतदारसंघातील दबथुवा गावात भाजप उमेदवार मनिंदर पाल यांच्या समर्थनार्थ प्रचार करत असताना गोवात फिरत होत्या. त्यानंतर काही लोकांनी लाठ्या-काठ्या आणून त्यांचा विरोध केला. आणि त्यांच्या ताफ्यावर हल्ला करण्यास सुरुवात केली. या हल्ल्यात अनेक जण जखमी झाल्याचे वृत्त आहे.

युपीमध्ये नेत्यांवर हल्ला करण्याची हि पहिलीच घटना नाही, तर याआधी 3 फेब्रुवारीला असदुद्दीन ओवेसी यांच्यावर मेरठमध्ये हल्ला झाला होता. ओवेसींच्या गाडीवर चार राऊंड गोळीबार करण्यात आला. मेरठहून परतत असताना आपल्यावर गोळीबार करण्यात आल्याचे ओवेसींनीच सांगितले होते.

आम्ही मेरठहून दिल्लीला निघालो आहोत, हे सर्वांना माहीत आहे. टोल प्लाझाजवळ गाडीचा वेग कमी होतो हे सर्वांनाच माहीत आहे. यादरम्यान हल्लेखोराने आम्हाला लक्ष्य करत आमच्या गाड्यांवर गोळीबार केला, अशी माहिती असदुद्दीन ओवेसी यांनी दिली होती.