8 डिसेंबरला झालेल्या हेलिकॉप्टर दुर्घटनेप्रकरणी हवाई दलाने चौकशी समिती नेमली होती. यात तिन्ही दलांच्या वरिष्ठ अधिकाऱ्यांचा समावेश होता. या चौकशी समितीचा प्राथमिक अहवाल समोर आला आहे. तांत्रिक बिघाड, निष्काळजीपणा किंवा घातपात यामुळे हेलिकॉप्टर कोसळलेले नाही, असे या समितीच्या अहवालात स्पष्ट करण्यात आले आहे.

फ्लाईट डेटा रेकॉर्डर तसेच कॉकपिट व्हॉईस रेकॉर्डरची तपासणी आणि घटनेशी संबंधित साक्षीदारांनी नोंदवलेला जबाब या आधारे हा अहवाल तयार करण्यात आला आहे.

यावेळी समितीने म्हटले की,जे हेलिकॉप्टर क्रॅश झाले त्यामागे कोणत्याही प्रकारचा घातपात किंवा तांत्रिक बिघाड झाला नव्हता. तर केवळ हवामानात अनपेक्षित बदल झाल्यामुळे हेलिकॉप्टर हे नियंत्रण कक्षाच्या बाहेर गेले. त्यामुळे पायलटचे नियंत्रण सुटले आणि हा अपघात घडला. त्यामुळे या अपघातात 14 जणांना जीव गमवावा लागला. फ्लाईट डेटा रेकॉर्डर तसेच कॉकपिट व्हॉईस रेकॉर्डरची तपासणी आणि घटनेशी संबंधित साक्षीदारांनी नोंदवलेला जबाब या आधारे हा अहवाल तयार करण्यात आला आहे.