पाकिस्तान (Pakistan) हा आग विझवणाऱ्याच्या वेशात आग लावणारा देश आहे असे वक्तव्य करून पाकिस्तानमध्ये मूळ धरलेल्या दहशतवादामुळे (Terrorists) भारतच नव्हे तर सारे जग संकटात आहे, असे संयुक्त राष्ट्रसंघाच्या सर्वसाधारण (UNGA) सभेत सांगणारी तरुण महिला सेक्रेटरी स्नेहा दुबे (Sneha Dubey) हिचा जन्म गोव्यातील आहे. त्यामुळे गोव्यातून स्नेहावर कौतुकाचा वर्षाव होत आहे. (The Girls who slaps Pakistan in UNGA Sneha Dubey's Goa Connection)

स्नेहाने पाकिस्तानचे राष्ट्राध्यक्ष इम्रान खान यांनी काश्मीरसंबंधात उपस्थित केलेल्या मुद्द्याला जोरदार प्रत्युत्तर दिले आहे. मुख्य धारेतील प्रसारमाध्यमे व समाजमाध्यमावर सध्या स्नेहा दुबेच्या नावाची जोरदार चर्चा चालू आहे. स्नेहा दुबे ही 2012 च्या आयएफएस बॅचच्या अधिकारी असून तिचा जन्म व संपूर्ण शालेय शिक्षण गोव्यात झाले. शालेय शिक्षण घेत असतानाच वयाच्या बाराव्या वर्षापासून तिने आयएफएस अधिकारी बनण्याचे स्वप्न जोपासले होते. जागतिक घडामोडी व भूगोल या विषयांची तिला विशेष आवड होती. पुढील शिक्षण पुण्यातील फर्ग्युसन कॉलेज व दिल्लीस्थित जवाहरलाल नेहरू विद्यापीठात (जेएनयू) घेतल्यानंतर पहिल्याच प्रयत्नात तिने युपीएससी परीक्षेत यश मिळवले. तिची बौद्धिक जडणघडण गोव्यात झाली असून ती गोमंतकीय युवक युवतींसाठी प्रेरणादायी ठरली आहे.

पाकिस्तानसह सर्व शेजाऱ्यांशी चांगले संबंध ठेवण्याची भारताची इच्छा आहे. भारताविरोधात सीमेपलीकडून होणाऱ्या दहशतवादी कारवायांसाठी पाकिस्तानच्या भूमीचा वापर होऊ न देण्यासाठी प्रामाणिकपणाने पावले उचलण्याची जबाबदारी पाकिस्तानची आहे. असे आपल्या ‘यूएन’ च्या आमसभेत खडसावले होते .

सरकारी सेवेमध्ये रुजू झालेल्या स्नेहा या त्यांच्या कुटुंबातील पहिल्याच सदस्या आहेत. त्यांचे वडील एका खासगी बहुराष्ट्रीय कंपनीमध्ये काम करतात तर आई शिक्षिका आहे. स्नेहा यांची 2012 मध्ये स्नेहा पहिली नियुक्ती परराष्ट्र मंत्रालयामध्ये झाली होती.