The fan gallery collapsed during a football match: आपल्या देशात खेळांचे विशेष महत्व आहे. खेळाचे सामने पाहण्यासाठी चाहते नेहमी गर्दी करत असतात. अश्याच एका सामन्यादरम्यान प्रेक्षकांची गॅलरी कोसळली आणि त्यात अनेक प्रेक्षक जखमी झाले आहेत. फुटबॉलचा सामना (Football) पाहण्यासाठी आलेल्या शेकडो प्रेक्षकांवर गॅलरी कोसळल्याची धक्कादायक घटना समोर आली आहे. या दुर्दैवी घटनेत तब्बल 200 जण जखमी झाले आहेत. (The fan gallery collapsed during a football match 200 injured)

केरळमधील (Kerala) वंदूर जिल्ह्यातील मलाप्पूरमनजीक असणाऱ्या पुंगूड गावातील सदर घटना आहे. यामध्ये पाच जण गंभीर जखमी झाले असून सर्वांवर रुग्णालयात उपचार सुरू आहेत. गॅलरी कोसळतानाचा व्हिडीओ समोर आला असून सोशल मीडियावर तो तूफान व्हायरल होत आहे.

शनिवारी पुंगूड येथे फुटबॉलच्या सामन्यांचे आयोजन करण्यात आले होते. यावेळी फुटबॉल प्रेमींची संख्या पाहता, याठिकाणी प्रेक्षकांसाठी बसण्यासाठी गॅलरी तयार करण्यात आली होती. सामना सुरू असताना अचानक ही गॅलरी कोसळली.

दरम्यान, आयोजकांनी ताबडतोब सर्वांना हॉस्पिटलमध्ये दाखल केले. आणि जखमी झालेल्या चाहत्यांवर उपचार सुरू करण्यात आले.