राष्ट्रीय तपास यंत्रणा एनआयएने (NIA) जम्मू -काश्मीरमधील (Jammu and Kashmir) दहशतवाद्यांना (Terrorists) होणाऱ्या फंडींग प्रकरणात कारवाई सुरु केली आहे. एनआयएकडून आज जम्मू –काश्मीरमधील अनंतनागमध्ये आणि इतर ठिकाणी छापे मारण्यात आले आहेत. छापे टाकण्यात आले आहेत. एनआयएसह विविध सुरक्षा संस्थांनी दहशतवाद्यांना समर्थन करणाऱ्यांविरुद्ध सुरु केलेली ही एक महत्वाची आणि मोठी कारवाई असुन, जुलै महिन्याच्या शेवटीही अनेक ठिकाणी छापे टाकण्यात आले होते. यादरम्यान एका दहशतवाद्याला अटकही करण्यात आली होती. (Terror Funding Case: NIA raids 45 locations in Jammu and Kashmir)

एनआयएने 31 जुलै रोजी जम्मू-काश्मीरमधील 15 ठिकाणी छापे टाकत लष्कर-ए-मुस्तफा (एलईएम) या दहशतवादी संघटनेशी संबंधित दोघांना अटक केली होती. छापेमारी दरम्यान, मोबाईल फोन, पेन ड्राइव्ह, वापरलेले बुलेट कियोस्क, दगडफेकीच्या वेळी वापरलेले प्लास्टिक चे मुखवटे आणि हस्तलिखित जिहादी साहित्यासह डिजिटल उपकरणे एनआयएने जप्त केली होती.

माध्यमांना मिळालेल्या माहितीनुसार "एनआयएने जम्मू -काश्मीर पोलीस आणि केंद्रीय राखीव पोलीस दलासह (CRPF) शोपियान, अनंतनाग आणि जम्मू जिल्ह्यातील नऊ ठिकाणी छापा टाकला. छाप्यानंतर, आरोपी व्यक्ती - इरफान अहमद (अनंतनाग) याला अटक करण्यात आली. एनआयएने दिलेल्या माहितीनुसार प्राथमिक तपासात तो इतर अटक आरोपींच्या संगनमताने दहशतवादी कारवाया करण्याच्या कटात सहभागी असल्याचे उघड झाले आहे.