DGP Anjani Kumar Suspended Dainik Gomantak
देश

Telangana Assembly Election Result 2023: तेलंगणाचे डीजीपी निलंबित, निवडणूक आयोगाचा मोठा निर्णय

तेलंगणा विधानसभा निवडणुकीच्या निकालादरम्यान निवडणूक आयोगाने मोठा निर्णय घेतला आहे.

Manish Jadhav

Telangana Assembly Election Result 2023: तेलंगणा विधानसभा निवडणुकीच्या निकालादरम्यान निवडणूक आयोगाने मोठा निर्णय घेतला आहे. केंद्रीय निवडणूक आयोगाने राज्याचे पोलीस प्रमुख अंजनी कुमार यांना निलंबित करण्याचे आदेश दिले आहेत. मिळालेल्या माहितीनुसार, निवडणूक आयोगाने आचारसंहितेचे उल्लंघन केल्याप्रकरणी तेलंगणाच्या डीजीपीला निलंबित करण्याचे आदेश दिले आहेत. डीजीपींबाबत निवडणूक आयोगाकडे अनेक तक्रारी करण्यात आल्या होत्या, त्यामुळे निवडणूक आयोगाने हा मोठा निर्णय घेतल्याचे सूत्रांचे म्हणणे आहे.

दरम्यान, तेलंगणाचे पोलीस महासंचालकांनी संजय जैन, राज्य पोलीस नोडल अधिकारी, तेलंगणा आणि महेश भागवत, (नोडल अधिकारी) यांच्यासमवेत तेलंगण विधानसभेच्या चालू असलेल्या सार्वत्रिक निवडणुकीतील उमेदवार रेवंत रेड्डी यांची हैदराबाद येथे भेट घेतली होती. यानंतर या भेटीबाबत आक्षेप घेण्यात आला आणि आता निवडणूक आयोगाने त्यांना याप्रकरणी निलंबित केले.

दुसरीकडे, राज्याच्या स्थापनेनंतर सलग दहा वर्षे मुख्यमंत्री राहिलेल्या केसीआर यांनी आपला पराभव मान्य केला आहे. त्यांनी आपला राजीनामा राज्यपालांकडे सुपूर्द केला. निवडणुकीत पिछाडीवर पडल्यानंतर केसीआर यांचे पुत्र आणि राज्य सरकारमधील मंत्री केटीआर यांनी ट्विट केले की, भारत राष्ट्र समितीला सलग दोन वेळा संधी दिल्याबद्दल मी तेलंगणातील जनतेचे आभार मानतो. ते पुढे म्हणाले की, आजच्या निकालाने मी दु:खी नाही, पण आमच्या अपेक्षेप्रमाणे न झाल्याने मी नक्कीच निराश आहे. या पराभवातून आम्ही नक्की धडा घेऊ आणि परत येऊ. विजयाबद्दल काँग्रेस पक्षाचे अभिनंदन.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Live News: अमित पाटकर यांनी केजरीवालांवर निशाणा साधला!

Ronaldo Goa Visit: 'रोनाल्डो' गोवा दौऱ्यावर येणार का? माहिती अजूनही गुप्त; आगमनाबाबत साशंकता

Goa Politics: ‘आरजी’सोबत युतीचा निर्णय चर्चेनंतर', माणिकराव ठाकरेंची स्पष्टोक्ती; राज्‍यभरात काम सुरू केल्याची दिली माहिती

Margao: मडगावात वीज बिले जाळली! दरवाढीविरोधात गोवा फॉरवर्डचा हल्लाबोल; सरकारला दिला इशारा

Rama Kankonkar: 'चुकीच्या बातम्यांमुळे मानसिक त्रास'! काणकोणकरांच्या पत्नीचा आरोप; खटला कमकुवत करण्याचा प्रयत्न असल्याचा केला दावा

SCROLL FOR NEXT