Teesta Setalvad Dainik Gomantak
देश

Teesta Setalvad यांना सर्वोच्च न्यायालयाकडून मोठा दिलासा, अंतरिम जामीन मंजूर

Supreme Court: तिस्ता सेटलवाड यांना मोठा दिलासा देत सर्वोच्च न्यायालयाने जामीन मंजूर केला आहे.

दैनिक गोमन्तक

Supreme Court: तिस्ता सेटलवाड यांना मोठा दिलासा देत सर्वोच्च न्यायालयाने जामीन मंजूर केला आहे. तीन न्यायाधीशांच्या खंडपीठाने हा निर्णय दिला आहे. सर्वोच्च न्यायालयाने म्हटले की, 'याचिकाकर्ता एक महिला आहे, जी दोन महिन्यांपासून कोठडीत आहे. संबंधित बाब 2002-2010 मधील दस्तऐवजाची आहे. त्यांना सात दिवस कोठडीत ठेवून चौकशी करण्याची संधी तपास यंत्रणेला मिळाली असती. रेकॉर्डवरील परिस्थिती पाहता, प्रकरण प्रलंबित असताना उच्च न्यायालयाने अंतरिम जामिनाचा विचार करायला हवा होता,' असे आमचे मत आहे.

दरम्यान, तीस्ता सेटलवाड (Teesta Setalvad) यांच्या जामीन अर्जावर सर्वोच्च न्यायालयात सुनावणी झाली. सरन्यायाधीश यूयू लळित, न्यायमूर्ती एस रवींद्र भट आणि न्यायमूर्ती सुधांशू भट यांच्या खंडपीठासमोर या प्रकरणावर सुनावणी झाली. गुजरात सरकारच्या वतीने एसजी तुषार मेहता यांनी उच्च न्यायालयाने (High Court) एवढा वेळ का घेतला, असा मुद्दा सर्वोच्च न्यायालयात (Supreme Court) उपस्थित केला. मेहता पुढे म्हणाले की, 3 ऑगस्ट रोजी उच्च न्यायालयात 168 खटले दाखल करण्यात आले होते.

दुसरीकडे, सर्वोच्च न्यायालयाने तीस्ता यांना पासपोर्ट जमा करण्यास सांगितले आहे. याशिवाय सर्वोच्च न्यायालयाने तीस्ता यांच्या उच्च न्यायालयात प्रलंबित असलेल्या याचिकेबाबत म्हटले आहे की, आमच्या निर्णयाचा किंवा टिप्पणीचा त्यावर परिणाम होऊ नये.

सर्वोच्च न्यायालयाने पुढे म्हटले की, 'आम्ही अंतरिम जामीनाबाबत हा निर्णय दिला आहे. गुजरात उच्च न्यायालय या प्रकरणाचा स्वतंत्रपणे विचार करु शकते. सर्वोच्च न्यायालयाच्या निरिक्षणांचा त्यांच्यावर प्रभाव पडू नये.' गुजरात (Gujarat) उच्च न्यायालयाने तीस्ता सेटलवाड यांच्या जामीन अर्जावर सुनावणीसाठी 19 सप्टेंबर ही तारीख निश्चित केली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shehbaz Sharif Video: 'पाकिस्तान दहशतवाद कधी थांबवणार?' रिपोर्टरच्या थेट प्रश्नावर काय म्हणाले शाहबाज शरीफ? शाब्दिक चकमकीचा व्हिडिओ व्हायरल

43.20 कोटींच्या कोकेन प्रकरणात आरोपीला सशर्त जामीन मंजूर; दक्षिण गोवा जिल्हा सत्र न्यायालयाचा मंगेश वाडेकरला दिलासा

Goa Crime: 17 वर्षीय मुलीला पळवून नेऊन केला लैंगिक अत्याचार, डिचोलीतील घटनेनं खळबळ; कणकवलीच्या तरुणाला अटक

Makharotsav: ..उत्सवमूर्ती जिवंत झाल्याचा आभास देणारा 'मखरोत्सव', गोव्यातील लोकसंस्कृतीचे दर्शन

Viral Video: 'खतरों के खिलाडी' वाली स्टंटबाजी, पठ्ठ्याचा सोशल मीडियावर व्हिडिओ तूफान व्हायरल; नेटकरी म्हणाले...

SCROLL FOR NEXT