Supreme Court: सर्वोच्च न्यायालयात आज पाच न्यायाधीशांची नेमणूक करण्यात आली आहे. आता सर्वोच्च न्यायालयाच्या न्यायाधीशांची संख्या 32 झाली आहे. सर्वोच्च न्यायालयात न्यायाधीशांची एकूण पदसंख्या 34 आहे.

राजस्थान उच्च न्यायालयाचे न्यायाधीश पंकज मित्तल, पटना उच्च न्यायालयाचे न्यायाधीश संजय करोल, मणिपूर न्यायालयाचे न्यायाधीश पीवी संजय कुमार यांची नेमणूक करण्यात आली आहे. त्याचबरोबर, पटना उच्च न्यायालयाचे न्यायाधीश अहसानुद्दीन अमानुल्लाह आणि अलाहाबाद उच्च न्यायालयाचे न्यायमूर्ती मनोज मिश्रा यांनी सर्वोच्च न्यायालयाचे न्यायाधीश म्हणून शपथ घेतली आहे.

सर्वोच्च न्यायालयाचे मुख्य न्यायाधीश डी वाय चंद्रचूड यांनी या सर्व न्यायाधीशांना शपथ दिली आहे. डिसेंबर 2022 मध्ये 6 सदस्यीय कोलॅजिअने या पाच न्यायाधीशांच्या नावाची शिफारस केली होती. सध्या सर्वोच्च न्यायालयात( Supreme Court ) 28 न्यायाधीश कार्यरत आहेत. त्यापैकी 8 न्यायाधीशांचा कार्यकाल 2023 मध्ये संपणार आहे.