Sulli Deals App: सुल्ली डील्स अ‍ॅप बनवणाऱ्या कंपनीने एफआयआर एकत्र करण्यासाठी केलेल्या याचिकेवर सर्वोच्च न्यायालयाने शुक्रवारी तीन राज्यांना नोटीस बजावली.त्याचवेळी न्यायालयाने आरोपींविरुद्धच्या तपासाला स्थगिती देण्यास नकार दिला. न्यायमूर्ती एस के कौल यांच्या अध्यक्षतेखालील खंडपीठाने दिल्ली, महाराष्ट्र आणि उत्तर प्रदेशला नोटीस जारी करताना, आरोपी बीसीए पदवीधर ओंकारेश्वर ठाकूरला दिलासा देणे शक्य आहे का, असा प्रश्न विचारला. तोही त्याच्यावर वेगवेगळ्या कृत्यांसाठी वेगवेगळे आरोप असताना. त्याच्यावर वेगवेगळ्या गुन्ह्यांचा आरोप आहे.

दरम्यान, जुलै 2021 मध्ये दिल्ली पोलिसांनी एफआयआर नोंदवला होता. 'GitHub' या इंटरनेट प्लॅटफॉर्मवर 'सुल्ली डील ऑफ द डे' नावाचा एक कार्यक्रम तयार करण्यात आला होता. जिथे अनेक मुस्लिम महिलांचे फोटो त्यांच्या संमतीशिवाय घेतले गेले होते. कथितरित्या ऑनलाइन लिलावासाठी हे फोटो अपलोड करण्यात आले होते.

दुसरीकडे, या वर्षी जानेवारीमध्ये दिल्ली पोलिसांनी (Delhi Police) बुल्लीबाई अ‍ॅपच्या संदर्भात आणखी एक एफआयआर दाखल करण्यात आला होता. ज्यामध्ये आरोप करण्यात आला होता की, 'या अ‍ॅपच्या माध्यमातून मुस्लिम महिलांचा अपमान करण्याचा हेतू होता.' यातच आता ओंकारेश्वर ठाकूर नावाच्या व्यक्तीच्या याचिकेवर सर्वोच्च न्यायालयाने दिल्ली (Delhi), महाराष्ट्र आणि उत्तर प्रदेशकडून (Uttar Pradesh) उत्तरे मागितली आहेत. ठाकूर यांनी सुल्ली डील्स अ‍ॅपशी संबंधित उत्तर प्रदेश, महाराष्ट्रात दाखल केलेल्या एफआयआर किंवा या संदर्भात देशात दाखल केलेल्या तक्रारी रद्द करण्याची मागणी केली आहे.