काँग्रेस नेत्या सोनिया गांधी यांचा कोरोना अहवाल गेल्या काही दिवसांपुर्वी पॉझिटीव्ह आला होता. यामूळे त्यांनी गेले काही दिवस प्रकृती कारणास्तव सर्व राजकिय कार्यक्रमांना अनुपस्थित राहात होम आयसोलेशनमध्ये होत्या. मात्र त्यांची प्रकृती अचानक बिघडल्याने त्यांना दिल्ली येथील रुग्णालयात दाखल करण्यात आले आहे. अशी माहिती काँग्रेसचे प्रवक्ते रणदीप सिंह सुरजेवाला यांनी माहिती दिली. (Sonia Gandhi's health deteriorated )

काँग्रेसचे प्रवक्ते रणदीप सिंह सुरजेवाला यांनी या बाबत बोलताना अशी माहिती दिली की, सोनिया गांधी यांची प्रकृती सध्या स्थिर आहे, मात्र त्यांना रुग्णालयात निरीक्षणाखाली ठेवण्यात आले आहे. सोनिया गांधी यांच्या प्रार्थनेबद्दल त्यांनी सर्व हितचिंतक आणि पक्ष कार्यकर्त्यांचे आभार मानले. काही दिवसांपूर्वी काँग्रेस अध्यक्षा सोनिया गांधी यांना कोरोनाची लागण झाली होती, त्यानंतर प्रियंका गांधींसह अनेक काँग्रेस नेत्यांना याची लागण झाली होती. तेव्हापासून सोनिया होम आयसोलेशनमध्ये होती.

नॅशनल हेराल्ड मनी लॉन्ड्रिंग प्रकरणात ईडीने बजावली नोटीस

अंमलबजावणी संचालनालयाने (ईडी) सोनिया गांधी यांना नॅशनल हेराल्ड मनी लॉन्ड्रिंग प्रकरणात 23 जून रोजी चौकशीसाठी हजर राहण्यास सांगितले आहे. सोनिया यांना यापूर्वी 8 जून रोजी हजर राहण्यास सांगितले होते, परंतु तिला कोरोना लागण झाल्यामुळे त्यांनी ईडीकडे हजर राहण्यासाठी नवीन तारीख मागितली होती.आता त्यांना कोरोनामुळे रुग्णालयात दाखल करण्यात आले आहे. मात्र, सोनिया ईडीसमोर हजर होणार की नाही, हे पाहावे लागेल.