जम्मू-काश्मीरमधील फुटीरतावादी नेता यासिन मलिकला जन्मठेपेची शिक्षा सुनावल्यानंतर अजमेर येथील ख्वाजा मोईनुद्दीन चिश्ती दर्ग्याच्या दिवाणांनी त्याला त्याच्या कर्माची शिक्षा मिळाली असल्याचे म्हटले आहे. अजमेर शरीफचे दिवाण जैनुअल अबेदिन यांनी यासीन मलिकच्या शिक्षेचे समर्थन करत न्यायव्यवस्थेच्या स्वातंत्र्याचे कौतुक केले. (snatched books from the hands of Kashmiris and handed them guns said the diwan of Ajmer dargah on Yasin malik punishment)

दरम्यान, दर्ग्याचे दिवाण सय्यद जैनुअल अबेदिन अली खान यांनी ट्विटद्वारे जारी केलेल्या निवेदनात म्हटले आहे की, संपूर्ण न्यायालयीन प्रक्रियेतून गेल्यानंतर यासीन मलिकला जन्मठेपेची शिक्षा देण्यात आली.

यासिनने काश्मिरींना जबरदस्तीने दहशतवादी बनवले: खान

खान यांनी पुढे म्हटले की, 'मलिकने भारतात दहशतवादी (Terrorist) घटना घडवून आणल्या. त्याने निरपराध काश्मिरींच्या हातातील शालेय पुस्तके हिसकावून घेतली. आणि त्यांच्या हातात बंदुका दिल्या. त्यांना दहशतवादी बनवले. यासिनला त्याच्या कृत्याची शिक्षा मिळाली आहे. यासिन मलिकच्या शिक्षेमुळे पाकिस्तानचा (Pakistan) दहशतवादी चेहराही समोर आला आहे.