Madhya Pradesh Police  Dainik Gomantak
देश

पोलीस कारवाई करत नसल्याने संतप्त महिलेने कुऱ्हाड घेऊन गाठले पोलीस ठाणे; आणि...

महिलेने केलेल्या या गोंधळामुळे पोलीस विभागात खळबळ

दैनिक गोमन्तक

मध्य प्रदेशातील रीवा शहरातील महिला पोलिस स्टेशन आणि सिव्हिल लाइन पोलिस ठाण्यात रविवारी रात्री एक महिला हातात कुऱ्हाड घेऊन पोलिस ठाण्यात पोहोचल्याने खळबळ उडाली. प्रथम महिलेने पोलिस ठाण्यात जाऊन पोलिसांना खडे बोल सुनावले आणि त्यानंतर ती सिव्हिल लाइन्स पोलिस ठाण्यात गेली. येथेही महिलेने गोंधळ घातला आणि पोलिसांना शिवीगाळ केली. (rewa police was not taking action on the complaint angry woman reached the police station with an ax)

तासनतास चाललेल्या या गदारोळात महिला पोलीस ठाण्याच्या बाहेर बसून पोलिसांना शिवीगाळ करत राहिली. मात्र, पोलिसांनी महिलेला शांत केल्यानंतर तिची कैफियत ऐकून घेऊन सोडवण्याचे आश्वासन दिले. महिलेने केलेल्या या गोंधळामुळे पोलीस विभागात खळबळ उडाली आहे. मिळालेल्या माहितीनुसार, पोलीस ठाण्यात गोंधळ घालणारी कृष्णा गौतम ही महिला सिव्हिल लाईन पोलीस ठाण्यांतर्गत दीनदयाळ कॉलनी येथील रहिवासी असून, तिच्यासोबत परिसरातील लोकांनी मारहाण केली होती.

महिलेचा आरोप आहे की, तिने पोलीस ठाण्यात तक्रार दाखल केली होती, मात्र त्यानंतरही कोणतीही कारवाई झाली नाही, त्यामुळे हल्लेखोरांचा उत्साह वाढला आहे. पोलिसांनी ऐकले नाही तेव्हा स्वत:च्या सुरक्षेसाठी स्वतः कुऱ्हाड हाती घेतली आणि पोलिस ठाणे गाठले. मात्र, महिलेच्या या गदारोळातून अनेक अर्थ काढले जात असून पोलिसांच्या ढिसाळ कारभारावरही प्रश्न उपस्थित केले जात आहेत.

पोलिसांनी कारवाईचे आश्वासन दिले

पोलीस ठाण्यात तासनतास चाललेल्या या गोंधळात महिलेने पोलीस कर्मचाऱ्यांसह वरिष्ठ अधिकाऱ्यांना शिवीगाळ केली. महिलेने पोलिसांसमोर स्पष्टपणे सांगितले की, तुम्ही गणवेश फक्त पैसे घेण्यासाठी घालता, कारवाई करण्यासाठी नाही. महिलेच्या गोंधळाची माहिती वरिष्ठ अधिकार्‍यांना मिळताच पोलिसांनी धाव घेतली आणि महिलेला घेऊन वस्ती गाठली. उपनिरीक्षक राणू वर्मा आणि सुभेदार अंजली गुप्ता महिला कॉन्स्टेबलसह तक्रारदाराला घेऊन तिच्या घराजवळ पोहोचल्या आणि महिलेचे समुपदेशन करण्यात आले. पोलिसांनी चौकशी केल्यानंतर महिलेला योग्य कारवाईचे आश्वासन देण्यात आले, त्यानंतर महिलेचा राग शांत झाला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

कुलगाममधील CRPF पथकावर हल्ला करणाऱ्या दहशतवाद्यांचा खात्मा; लष्कर-ए-तैयबाचा कमांडर लतीफ भटसह दोन दहशतवादी चकमकीत ढेर

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

SCROLL FOR NEXT