Uttar Pradesh News: गाझियाबादच्या कविनगर पोलीस स्टेशन परिसरात एका अल्पवयीन मुलाचे धर्मांतर झाल्याची घटना समोर आली आहे.

मुलाच्या वडिलांनी कविनगर पोलिस ठाण्यात गुन्हा दाखल केला असून, मुंबईत राहणाऱ्या एका अन्य समाजातील व्यक्तीने आपल्या मुलाचा धर्म बदलल्याचा आरोप केला आहे.

वडिलांचे म्हणणे आहे की, त्यांचा मुलगा दिवसातून पाच वेळा जिममध्ये जाण्याच्या नावाखाली घरातून बाहेर पडत असे. पाठलाग केल्यावर तो नमाजासाठी जात असल्याचे आढळून आले. तपासानंतर पुढील कारवाई केली जाईल, असे पोलिसांचे म्हणणे आहे.

दरम्यान, राजनगरमध्ये राहणाऱ्या या व्यक्तीचे म्हणणे आहे की, त्यांचा मुलगा काही दिवसांपासून विचित्र वागत होता. तो दिवसातून पाच वेळा जिमला जाण्याच्या नावाखाली घराबाहेर पडत असे आणि काही तासांनी परत यायचा.

त्यांना संशय आल्यानंतर त्यांनी मुलाचा पाठलाग केला आणि तो संजय नगर सेक्टर-23 येथील धार्मिक स्थळी नमाज अदा करण्यासाठी जात असल्याचे समजले. हे पाहून त्यांच्या पायाखालची जमीनच सरकली.

चौकशी केल्यावर मुलाने सांगितले की, इस्लाम इतर धर्मांपेक्षा चांगला आहे, म्हणून त्याने हा धर्म स्वीकारला आहे.

पीडितेच्या वडिलांचे म्हणणे आहे की, त्यांनी आपल्या मुलाचा मोबाईल आणि लॅपटॉप गुपचूप तपासला असता इस्लाम धर्मासंबंधी सर्व साहित्य सापडले, त्यापैकी काही कायद्याच्या विरोधातील आहे.

ऑनलाइन गेमिंगच्या माध्यमातून मुंबईतील एका तरुणाशी ओळख झाली

पीडितेच्या वडिलांच्या म्हणण्यानुसार, त्यांच्या मुलाची ऑनलाइन गेमिंगच्या माध्यमातून मुंबईतील (Mumbai) रहिवासी असलेल्या बद्दो या दुसऱ्या धर्मातील तरुणाशी ओळख झाली.

बद्दोने सुमारे दोन वर्षांपूर्वी आपल्या मुलाला संगणकाचे पार्ट विकले होते, त्या बदल्यात मुलाने जुलै 2021 मध्ये बद्दोला 20,000 रुपये दिले होते.

तेव्हापासून त्यांचा मुलगा बद्दोच्या प्रभावाखाली असल्याचे वडीलांनी सांगितले. तो त्याच्याशी तासनतास बोलतो.

याशिवाय, इतरही अनेक नंबर आहेत, ज्याच्या तो संपर्कात आहे. वडिलांचे म्हणणे आहे की, त्यांना मुलाच्या धर्मांतराची चिंता आहे.

देशविरोधी कारवायांमध्ये सहभागी असल्याची भीती व्यक्त केली

आपला मुलगा निर्दोष असल्याचे वडिलांचे म्हणणे आहे. त्याचे धर्मांतर करण्यात आले आहे. आपल्या मुलाचा देशविरोधी कारवायांमध्ये वापर होण्याची भीती त्यांना आहे.

संजयनगर सेक्टर-23 येथील धार्मिक स्थळाशी संबंधित लोकांवर कटात सहभाग असल्याचा संशयही वडीलांनी यावेळी व्यक्त केला. पीडितेच्या वडिलांनी मंगळवारी पोलिस (Police) आयुक्तांकडे कारवाईची मागणी केली.

यादरम्यान, एसीपी कविनगर अभिषेक श्रीवास्तव यांनी सांगितले की, मुंबईचा रहिवासी असलेला बद्दो आणि इतरांविरुद्ध गुन्हा दाखल करुन तपास सुरु केला आहे. तपासात जे तथ्य समोर येईल त्याआधारे पुढील कारवाई केली जाईल.