Uttar Pradesh Crime: यूपीमधील अमरोहा जिल्ह्यात 11 वर्षीय मुलीवर 100 रुपयांचे आमिष दाखवून बलात्कार केल्याप्रकरणी पॉक्सो न्यायालयाने 38 दिवसांत या प्रकरणाची सुनावणी पूर्ण केली.

दोषीला 25 वर्षांची शिक्षा आणि 60,000 रुपयांचा दंड ठोठावण्यात आला. या रकमेपैकी 50 हजार रुपये पीडितेला देण्याचे आदेश दिले. अटक झाल्यापासून हा आरोपी मुरादाबाद तुरुंगात बंद होता.

दरम्यान, हसनपूर शहरातील एका भागात 10 जून 2023 रोजी ही घटना घडली. येथील एक मजूर नोकरीनिमित्त बाहेर गेला होता. त्याची पत्नी आणि 11 वर्षांची मुलगी (Girl) घरात एकटीच होती. आईने मुलीला जवळच्या दुकानात फोन दुरुस्त करुन आणण्यासाठी पाठवले होते.

याचाच फायद घेत आरोपी दानिशने मुलीला शंभर रुपयांचे आमिष दाखवून घरातून नेले. दानिशने तिच्यावर बलात्कार केला. या प्रकरणी तक्रार नोंदवल्यानंतर पोलिसांनी (Police) दानिशला अटक केली. कपिला राघव यांच्या न्यायालयाने दानिशला दोषी ठरवत मंगळवारी शिक्षा सुनावली.