Mohammed Faizal: लक्षद्वीपचे लोकसभेचे खासदार मोहम्मद फैजल यांना पून्हा खासदारकी बहाल करण्यात आली आहे.

केरळ हायकोर्टाने त्याचे कनव्हीक्शन रद्द केल्यानंतर त्यांचे सदस्यत्व परत करण्यासाठी वेळ लागत होता. सर्वोच्च न्यायालयात या प्रकरणाची सुनावणी झाल्यानंतर त्यांना लोकसभेचे सदस्यत्व परत केले आहे. आता पून्हा ते लक्षद्वीपचे खासदार आहेत. या प्रकरणाचा आणि राहुल गांधीची खासदारकी रद्द केलेले प्रकरण जोडून बघितले जात आहेत.

मिळालेल्या माहितीनुसार, कवरत्तीच्या एका सत्र न्यायालयाने खासदार मोहम्मद फैजल यांना एका हत्याप्रकरणात 10 वर्षाची शिक्षा सुनानली होती. त्यानंतर लोकसभेने नोटीफिकेशन जारी करत मोहम्मद फैजल यांचे लोकसभेतील सदस्यत्व रद्द करण्यात आले होते.

दरम्यान, मोहम्मद फैजल यांचे प्रकरण यासाठी महत्वाचे मानले जात आहे. कारण काही दिवसांपूर्वीच राहुल गांधींची खासदारकी रद्द केली आहे.

राहुल गांधींनी मोदी( Modi ) या नावावरुन विधान केले होते. या विधानामुळे त्यांच्याविरुद्ध केस दाखल करण्यात आली होती. सुरत सत्रन्यायालयाने राहुल गांधींना याप्रकरणात 2 वर्षाची शिक्षा सुनावली होती. त्यानंतर त्यांचे लोकसभेचे सदस्यत्व रद्द केले आहे.

आता मोहम्मद फैजल यांना परत मिळालेल्या खासदारकीमुळे राहुल गांधींना त्यांची खासदारकी परत मिळणार का हे पाहणे महत्वाचे ठरणार आहे.