काँग्रेस पक्षाच्या राष्ट्रीय सरचिटणीस प्रियंका गांधी वाड्रा (Priyanka Gandhi) यांना कोरोना संसर्गाची लागण झाली आहे. स्वतः ट्विट करून याबाबतची माहिती दिली आहे. प्रियंका गांधीनी ट्विट करून लिहिले की, सौम्य लक्षणांसह मी कोरोना पॉझिटिव्ह आहे. सर्व प्रोटोकॉल पाळत मी स्वतःला घरीच क्वारंटाईन केले. (Priyanka Gandhi has contracted corona)

माझ्या संपर्कात आलेल्या सर्वांना मी आवश्यक खबरदारी घेण्याची विनंती करेन. प्रियंका गांधींपूर्वी काँग्रेसच्या हंगामी अध्यक्षा सोनिया गांधी (Sonia Gandhi) यांनाही कोरोनाची लागण झाली. काँग्रेसचे प्रवक्ते रणदीप सुरजेवाला यांनी ही माहिती दिली. सुरजेवाला यांच्या म्हणण्यानुसार त्यांना सौम्य ताप देखील आहे.

यासोबतच त्यांच्यामध्ये कोरोनाची आणखी काही लक्षणे दिसून येत आहेत, तसेच सोनिया गांधी यांनी स्वतःला सर्वांपासून वेगळे केले आहे. सोनिया गांधी यांच्यावर डॉक्टरांच्या देखरेखीखाली उपचार सुरू आहेत. काँग्रेसच्या आणखी अनेक नेत्यांनाही संसर्ग झाला असल्याचे सांगण्यात येत आहे. गेल्या वर्षी एप्रिलमध्ये राहुल गांधींनाही कोरोना झाला होता.