“जन औषधी दिवस” (Jan Aushadhi Diwas) निमित्त, भारताचे पंतप्रधान नरेंद्र मोदी (PM Narendra Modi) 7 मार्च रोजी दुपारी 12:30 वाजता जनऔषधी केंद्र मालक आणि योजनेच्या लाभार्थ्यांशी व्हिडिओ कॉन्फरन्सिंगद्वारे संवाद साधणार आहेत. या प्रसंगी पंतप्रधानांच्या अभिभाषणानंतर संवाद साधला जाणार आहे. कार्यक्रमाची थीम "जन औषधी-जन उपयोगी" अशी असणार आहे.

जेनेरिक औषधांचा वापर आणि जन औषधी योजनेचे फायदे याविषयी जनजागृती करण्यासाठी 1 मार्चपासून देशभरात जनऔषधी सप्ताह साजरा केला जाणार आहे. या सप्ताहात जनऔषधी संकल्प यात्रा, मातृशक्ती सन्मान, जनऔषधी बाल मित्र, जनऔषधी जन जागरण अभियान, आओ जन औषधी मित्र बने आणि जनऔषधी जन आरोग्य मेळा अशा विविध कार्यक्रमांचे देखील आयोजन करण्यात आले आहे.

औषधे (Medicine) परवडणारी आणि नागरिकांना उपलब्ध करून देण्याच्या पंतप्रधानांच्या संकल्पनेनुसार, आता देशभरात 8600 पेक्षा जास्त जनऔषधी स्टोअर्स आहेत, ज्यात जवळपास प्रत्येक जिल्ह्याचा समावेश करण्यात आला आहे.