संपूर्ण देश आज स्वातंत्र्य दिनाचा 75 वा वर्धापन दिन साजरा करत आहे (75thIndependenceDay). या वर्षी स्वातंत्र्य दिन 'आझादी का अमृत महोत्सव' म्हणून साजरा केला जात आहे. संपूर्ण देश देशभक्तीने परिपूर्ण असा सज्ज झाला आहे. देशभरातील विविध ठिकाणी मंत्रालये, राज्य सरकारे, लष्करी दले आणि सामान्य जनतेद्वारे विविध कार्यक्रमांचे आयोजन करण्यात आले आहे.(PM Narendra Modi pays tribute to Mahatma Gandhi at Rajghat)

आज पंतप्रधान नरेंद्र मोदी (Prime Minister Narendra Modi) देशाच्या 75 व्या स्वातंत्र्यदिनाच्या वर्धापन दिन सोहळ्याचे नेतृत्व करतील. आज सकाळी पंतप्रधान मोदी लाल किल्ल्यावरून तिरंगा फडकवतील आणि राष्ट्राला संबोधित करतील. भारताच्या स्वातंत्र्याची 75 वर्षे साजरी करण्यासाठी पंतप्रधान मोदींनी मार्च 2021 मध्ये अहमदाबाद, गुजरातमधील साबरमती आश्रमातून 'आजादी का अमृत महोत्सव' सुरू केला होता. हा सण 15 ऑगस्ट 2023 पर्यंत चालणार आहे.

तत्पूर्वी पंतप्रधान नरेंद्र मोदी राजघाटावर पोहोचले आहेत ते महात्मा गांधींना आदरांजली वाहून लाल किल्ल्यासाठी रवाना होतील.

त्याचबरोबर पंतप्रधान नरेंद्र मोदी यांनी समस्त देशाला 75 व्या स्वातंत्र्यदिनाच्या शुभेच्छा देखील दिल्या आहेत.