Mann Ki Baat: पंतप्रधान नरेंद्र मोदी यांनी देशातील जनतेसोबत 'मन की बात' मधून संवाद साधला. या कार्यक्रमाचा हा 92वा भाग आहे. या आधी स्वातंत्र्य दिनानिमित्त त्यांना संवाद साधला होता. आज कार्यक्रमाच्या माध्यमातून पीएम मोदी अनेक मुद्द्यांवर चर्चा करत आहेत. या रेडिओ कार्यक्रमासाठी पंतप्रधान मोदींनी नुकतेच देशवासीयांचे मत विचारले होते.

PM मोदींनी 75 व्या स्वातंत्र्य दिनानिमित्त 13-15 ऑगस्ट दरम्यान आयोजित केलेल्या हर घर तिरंगा मोहिमेचे स्मरण केले. मोहीम प्रचंड यशस्वी केल्याबद्दल त्यांनी नागरिकांचे आभार मानले. अमृत ​​महोत्सवाचा उत्सव केवळ भारतातच नाही, तर जगातील इतर देशांमध्येही पाहायला मिळाला, असे पंतप्रधान मोदींनी म्हणाले.

यावेळी पीएम मोदी म्हणाले की, "काही दिवसांपूर्वीच मला माहिती आणि प्रसारण मंत्रालयाच्या कार्यक्रमाला जाण्याची संधी मिळाली. तेथे त्यांनी 'स्वराज दूरदर्शन' या मालिकेचे स्क्रीनिंग केले. देशाच्या तरुण पिढीला स्वातंत्र्य चळवळीत भाग घेतलेल्या नायक-नायिकांच्या प्रयत्नांची ओळख करून देण्याचा हा एक उत्तम उपक्रम आहे. हा कार्यक्रम दूरदर्शनवर दर रविवारी रात्री 9 वाजता प्रसारित केले जाते, जे 75 आठवडे चालणार आहे. वेळ काढून पाहा आणि तुमच्या घरातील मुलांनाही दाखवा, जेणेकरुन स्वातंत्र्याच्या या महान वीरांबद्दल आपल्याला एक नवी जाणीव निर्माण होईल."

या कार्यक्रमात 'पोषण मास' उपक्रमामध्ये सहभागी होण्याचे आवाहन पंतप्रधान मोदींनी नागरिकांना केले. कुपोषणाविरुद्धच्या वार्षिक 'पोषण मास'मध्ये नागरिकांनी सक्रिय सहभाग घ्यावा. दरवर्षी सप्टेंबरमध्ये उपक्रम राबविला जातो, असे पंतप्रधान मोदी म्हणाले.