आजकालचा फॅशन ट्रेंड (Fashion trends) बघितल्यावर असे वाटते की हे खरोखर युनिक आहे की, फॅशनची नवी दुनिया. बऱ्याच वेळा अनेक कंपन्यां फॅशन ट्रेंड च्या नावाने स्वस्त वस्तू इतक्या महाग विकतात की त्याची किंमत ऐकताच सामान्य व्यक्ती हैरान होतो. फॅशनच्या या जगात एक एक लक्झरी ब्रँड आहे Balenciaga. या कंपनीने फाटलेला स्वेटर (Sweater) इतक्या महाग किंमतीत बाजारात आणला आहे की, बघणाऱ्यांचेही डोळे ही किंमत बघून फाटतील. या कपड्यांची किंमत बघून विश्वास बसणार नाही.

बॅलेंसियागाच्या डिझायनर्सनी त्यांच्या ग्राहकांसाठी एक नवीन स्वेटर बनवले आहे. ज्याची किंमत $ 1,450 आहे. जर या स्वेटरची किंमत भारतीय चलनात बघायला गेलं तर त्याची किंमत 1 लाख रुपये आहे. हे स्वेटर पाहून तुम्हाला असे वाटेल की, हे स्वेटर अनेक वर्षांपासून एका बॉक्समध्ये पडून होते आणि उंदरांनी ते पुर्ण कुरतडले आहे.

हे स्वेटर आणि त्याची किंमत सोशल मीडियावर लोकांसमोर येताच युजर्सनी या स्वेटरची खिल्ली उडवायला सुरुवात केली. एका वापरकर्त्यावर त्यावर कमेंटही केली. "हे स्वेटर घातल्यानंतर तुम्हाला भिकाऱ्यांच्या टोळीतील पळून गेलेल्या एखाद्या चोरट्यासारखे वाटेल." अशी कमेंट एका युजर्सने केली आहे. दुसर्‍या युजर्सने लिहिले की, हे ओव्हरसाईज स्वेटर घातल्यानंतर तुम्हाला वाटेल की तुम्ही एखाद्या दंगलितून आले आणि एखाद्या प्राण्याने तुमचे कपडे फाडले असतील.

मीडिया रिपोर्टनुसार, हे स्वेटर डिस्ट्रेस्ड आणि उच्च दर्जाच्या लोकरने बनवले आहे. या व्यतिरिक्त, कंपनीने दावा केला आहे की, " हे स्वेटर 100% व्हर्जिन लोकर पासून बनवले गेले आहे. जे इटलीहून तयार करून आणले आहे. तेव्हा हे स्वेटर पाहिल्यानंतर तुम्हाला कसे आणि काय वाटते हे आम्हाला कमेंट करून नक्की सांगा."