पेगासस हेरगिरी प्रकरणाबाबत(Pegasus Spyware Issue) देशाच्या राजकारणात खळबळ उडाली आहे. सरकारवर फोन टॅप(Phone Tapping) केल्याचा आरोप करून विरोधीपक्ष सरकारला घेरत आहेत.तसेच विरोधक ते संपूर्ण प्रकरणाची चौकशी करण्याची मागणी देखील करत आहेत. पेगासस(Pegasus) गुप्तचर प्रकरणावर संसदेत बराच गदारोळ झाला असून या प्रकरणाची चौकशी करण्यासाठी संसदीय समिती स्थापन करावी, अशी मागणी विरोधकांनी केली आहे. आणि आता याच मागणीचे समर्थन बिहारचे मुख्यमंत्री नितीश कुमार(Nitish Kumar) यांनी केले आहे. (Pegasus Spyware Issue should be discussed in Parliament: Nitish Kumar)

एनडीएचे(NDA) सहयोगी नितीश कुमार यांनी पेगासस हेरगिरी प्रकरणाची चौकशी करण्याची मागणी केली आहे. जनता दरबार संपल्यानंतर माध्यमांशी संवाद साधताना मुख्यमंत्री नितीश म्हणाले की, टेलिफोन टॅपिंगची बाब अनेक दिवसांपासून समोर येत आहे. ते तपासले पाहिजे. ही गोष्ट मी आधीही सांगितली आहे. आज कोण काय करेल हे सांगणे कठीण आहे. म्हणून, माझ्या मते, या प्रकरणात एक एक करून गोष्टी पाहिल्यानंतर, योग्य पावले उचलली पाहिजेत.

नितीशकुमार म्हणाले, "हे संपूर्ण प्रकरण काय आहे याची आम्हाला पूर्ण माहिती नाही. आम्ही काय वाचत आहोत आणि काय बाहेर येत आहे ते पाहत आहोत. पण माझ्या मते, जर हे घडले असेल तर ते चुकीचे आहे. जर केंद्र सरकार नकार देत असेल तर केंद्राने ते संपूर्ण प्रकरण समोर आणावे. "

याअगोदर जेंव्हा नितीश कुमार यांना याबाबत विचारणा केली होती त्यावेळेस मात्र पेगासस हे निरुपयोगी असल्याचे म्हटले होते आणि कोणालाही त्रास देणे ही चांगली गोष्ट नाही असे सांगितले. मुख्यमंत्री नितीश कुमार म्हणाले होते की हे चुकीचे आहे. हे सर्व घाणेरडे बोलणे आहे, हे सर्व बकवास आहे, कोणालाही त्रास देणे ही चांगली गोष्ट नाही.