भारतीय वैद्यकीय संशोधन परिषदेने (ICMR) ओमिक्रॉनची चाचणी करण्यासाठी OmiSure किटला मान्यता दिली आहे. OmiSure किट टाटा (Tata) मेडिकलने विकसित केले आहे.

OmiSure चाचणी किट इतर RT-PCR चाचणी किट प्रमाणेच कार्य करेल. या किटच्या सहाय्याने चाचणीसाठी नाक किंवा तोंडातून स्वॅब घेतला जाईल. मात्र, चाचणीचा अंतिम अहवाल फक्त 10 ते 15 मिनिटांत येईल. यापूर्वी, अमेरिकन कंपनीचे किट ओमिक्रॉनची चाचणी करण्यासाठी वापरले जात होते.

आरोग्य मंत्रालयाच्या (Health Ministry) म्हणण्यानुसार, देशातील ओमिक्रॉन (Omicron variant) संक्रमितांची एकूण संख्या 1892 वर पोहोचली आहे. महाराष्ट्र 568 रुग्णांसह पहिल्या स्थानावर आहे, तर 382 रुग्णांसह दिल्ली दुसऱ्या स्थानावर आहे. 185 प्रकरणांसह केरळ तिसऱ्या स्थानावर आहे. ओमिक्रॉनवरील 1892 रुग्णांपैकी 766 बरे झाले आहेत.