Death

 

Dainik Gomantak 

देश

मटणासाठी नक्षलवाद्यांनी घेतला सरपंचाचा जीव

बिहारच्या (Bihar) मुंगेर जिल्ह्यातील अझीमगंज पंचायतीचे नवे प्रमुख परमानंद तुड्डू यांना त्यांच्या आदेशाचे उल्लंघन केल्याबद्दल सेवेची शपथ घेण्यापूर्वीच नक्षलवाद्यांनी मारले.

दैनिक गोमन्तक

बिहारच्या (Bihar) मुंगेर जिल्ह्यातील अझीमगंज पंचायतीचे नवे प्रमुख परमानंद तुड्डू (Parmanand Tuddu) यांना त्यांच्या आदेशाचे उल्लंघन केल्याबद्दल सेवेची शपथ घेण्यापूर्वीच नक्षलवाद्यांनी मारले. नक्षलवाद्यांनी धारदार शस्त्राने परमानंद यांचा गळा चिरला.

मारल्या गेलेल्या पंचायत प्रमुखाच्या मुलाच्या म्हणण्यानुसार, नक्षलवाद्यांनी माझ्या वडिलांना मारुन टाकले कारण त्यांनी निवडणुकीतील विजयानंतर त्यांना खासी (बकरी) मांस खाऊ घातले नाही. त्रिस्तरीय पंचायती राज संस्थांसाठी नुकत्याच झालेल्या 11 टप्प्यांच्या निवडणुकीत अजीमपूर पंचायतीचे मुखिया (मुख्य) म्हणून परमानंद यांची निवड झाली होती.

अभिषेकने पुढे सांगितले की, रात्री उशिरा नक्षलवादी आमच्या घरात घुसले, अन् वडिलांना बाहेर ओढून काढले. त्यानंतर त्यांचा धारदार शस्त्राने गळा चिरला. माझे वडील 30 डिसेंबर रोजी शपथ घेणार होते.' नक्षलवाद्यांनी जवळच्या जंगलात पळून जाण्यापूर्वी घोषणाबाजी केली, असेही प्रत्यक्षदर्शींनी सांगितले.

तथापि, परमानंद यांची हत्या का झाली याच्या कारणाबाबत इतरही बातम्या समोर येत आहेत. एका आवृत्तीवरुन असे सूचित होते की, परमानंद यांनी नक्षलवाद्यांच्या इशाऱ्यांकडे दुर्लक्ष करुन निवडणुकीसाठी उमेदवारी अर्ज दाखल केला. त्यानंतर नक्षलवाद्यांनी त्यांची हत्या केली. दुसर्‍या आवृत्तीत असे सुचवले की, आउटलॉजनी निवडणुकीत दुसर्‍या उमेदवाराची बाजू घेतली आणि परमानंद यांच्या विजयामुळे ते नाराज झाले.

दरम्यान, जिल्ह्यातील धरहरा गटांतर्गत पंचायतीमध्ये विकासकामे करण्यासाठी परमानंद स्थानिक लोकांमध्ये लोकप्रिय असल्याचे ग्रामस्थांनी नमूद केले. या कृत्याला जबाबदार असलेल्या गुन्हेगारांना पकडण्यासाठी शोध मोहीम सुरु करण्यात आली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Borim Accident: बोरी येथे भीषण अपघात! काँक्रिटवाहू ट्रकची कारला धडक, लहान मुलांसह 6 जण जखमी; तेलंगणातील कुटुंबावर दुःखाचा डोंगर

Goa Assembly Speaker: गोवा विधानसभेला मिळणार नवा अध्यक्ष, राज्यपालांनी बोलावले विशेष अधिवेशन; रमेश तवडकरांनंतर कोणाची लागणार वर्णी?

Chandragrahan 2025: धनलाभ की नुकसान? भाद्रपद पौर्णिमेचे चंद्रग्रहण 'या' राशींसाठी ठरू शकते अशुभ; 12 राशींवर काय होईल परिणाम?

Viral Video: विशाल देह पण कोमल मन...! हत्तीणीचा इमोशनल व्हिडिओ व्हायरल, माणसावरील प्रेम पाहून यूजर्संना अश्रू अनावर

Bambolim Cancer Centre: ''बांबोळीचे कॅन्सर सेंटर निवडणुकीच्या आधी तयार होणार'' आरोग्यमंत्र्यांचा दावा!

SCROLL FOR NEXT