नवी दिल्ली, एएनआय: संसदेच्या (Parliament) पावसाळी अधिवेशनाला (Monsoon Session) आता 9 दिवस झाले आहेत. राज्यसभेत आणि लोकसभेत चर्चेशिवाय विधेयके मंजूर झाली, दोन्ही सभागृहात गदारोळ झाला. आता सादनामध्ये मोदी सरकारला घेराव घालण्यासाठी सर्व विरोधी पक्ष (Opposition Parties) शुक्रवारी बैठक घेणार आहेत. पेगासस (Pegasus) आणि इतर महत्वाच्या मुद्द्यांवर आपली रणनीती ठरवण्यासाठी शुक्रवारी सकाळी 9:45 वाजता विरोधी पक्षाची बैठक होईल. ही बैठक संसदेतील राज्यसभा एलओपी (LOP, Rajysabha) कार्यालयात होणार आहे. कालच्या बैठकीपूर्वीच सर्व विरोधी पक्षांनी मोदी सरकारला (Modi Govt) घेरण्यासाठी बैठक घेतली आहे. बैठकीनंतर काँग्रेस नेते राहुल गांधी (Congress Leader Rahul Gandhi) म्हणाले होते की, विरोधक कोणत्याही मुद्यावर तडजोड करणार नाहीत.

पेगासस हेरगिरी घोटाळा (Pengasus Espionage Scam) , शेतकर्‍यांचे आंदोलन आणि कोरोना महामारीवर विरोधी पक्षांनी दोन्ही सभागृहात गोंधळ घातला आहे. संचारमंत्र्यांनी (Minister of Communications) पेगासस हेरगिरी प्रकरणी सरकारच्या वतीने यापूर्वीच उत्तर दिले आहे, परंतु विरोधी पक्ष पंतप्रधान मोदी (PM Modi) आणि गृहमंत्री अमित शहा (Home misnister Amit Shah) यांना जाब विचारत आहेत. पेगासस विषयावर 14 विरोधी पक्ष एकत्र (14 Opposition Parties) आले आहेत, त्यामुळे सरकारला तीव्र विरोधाचा सामना करावा लागत आहे.