Manipur Violence Dainik Gomantak
देश

Manipur Voilence: मणिपूरमध्ये लष्करावर गोळीबार; दोन जवान जखमी

Manipur Voilence: मणिपूरमध्ये हिंसाचाराच्या घटना थांबण्याचे नाव घेत नाहीत. राज्यातून दररोज हिंसाचाराच्या बातम्या येत आहेत.

Ashutosh Masgaunde

Manipur Voilence: मणिपूरमध्ये हिंसाचाराच्या घटना थांबण्याचे नाव घेत नाहीत. राज्यातून दररोज हिंसाचाराच्या बातम्या येत आहेत. दरम्यान, भारतीय लष्कराच्या स्पीयर कॉर्प्सने सांगितले की, हिंसाचाराच्या घटनांमध्ये दोन सैनिक जखमी झाले आहेत.

स्पीयर कॉर्प्सने सांगितले की, गुरुवारी सकाळी इंफाळ पश्चिम जिल्ह्यातील एन बोलझांग येथे लष्करावर गोळीबार केला. या गोळीबारात दोन जवान किरकोळ जखमी झाले. दोन्ही जवानांची प्रकृती स्थिर असल्याचेही त्यांनी सांगितले. सुरक्षा दलाच्या झडतीदरम्यान एक इंसास लाइट मशीन गन जप्त करण्यात आली.

यापूर्वी, 18-19 जूनच्या मध्यरात्री कांटो सबल येथून चिंगमांग गावाकडे सशस्त्र हल्लेखोरांनी गोळीबार केल्याने भारतीय लष्कराचा एक जवान जखमी झाला आहे.

जवानला बंदुकीची गोळी लागली आणि त्याला लेमाखॉन्गच्या लष्करी रुग्णालयात हलवण्यात आले आणि सध्या त्याची प्रकृती स्थिर आहे.

अनुसूचित जमाती (एसटी) यादीत मेईटीचा समावेश करण्याच्या मागणीचा निषेध करण्यासाठी ऑल ट्रायबल स्टुडंट्स युनियन (एटीएसयू) ने आयोजित केलेल्या रॅलीदरम्यान 3 मे रोजी मणिपूरमध्ये हिंसाचार सुरु झाला.

मणिपूरमध्ये महिनाभरापूर्वी सुरू झालेल्या मेईतेई आणि कुकी समुदायांमधील वांशिक हिंसाचारात 100 हून अधिक लोकांना आपला जीव गमवावा लागला आहे.

मणिपूरमध्ये अजूनही जाळपोळ सारख्या घटना घडत असल्याने, राज्य सरकारने मंगळवारी इंटरनेटवरील बंदी आणखी पाच दिवसांनी 25 जूनपर्यंत वाढवली आणि शांततेला आणखी खीळ बसू नये यासाठी प्रयत्न केले.

मणिपूरमध्ये हिंसाचार कसा सुरू झाला?

सुमारे दीड महिन्यापूर्वी मणिपूरमध्ये मेईतेई आणि कुकी समुदायांमध्ये हिंसाचार झाला होता. या हिंसाचारात शंभरहून अधिक लोकांना आपला जीव गमवावा लागला आहे. राज्यातील मेईतेई समाज अनुसूचित जमाती (एसटी) दर्जा देण्याची मागणी अनेक दिवसांपासून करत आहे. मेतेई समाजाच्या या मागणीच्या निषेधार्थ 3 मे रोजी डोंगराळ जिल्ह्यांमध्ये आदिवासी एकता मोर्चा काढण्यात आला. त्यानंतर हाणामारी सुरू झाली. सध्या राज्यात शांतता प्रस्थापित करण्याचे प्रयत्न सुरू आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shehbaz Sharif: भारताला शत्रू म्हटले, युद्ध जिंकल्याचा केला दावा, शेवटी शांततेसाठी मागितली भीख; पाकच्या पंतप्रधानांचा युएनमध्ये थापांचा पाऊस

रावळपिंडी एक्सप्रेसचं स्लिप ऑफ टंग! अख्तरच्या तोंडून अभिषेक शर्माऐवजी अभिषेक बच्चनचं नाव, त्याने पोस्ट करत दिली प्रतिक्रिया Watch Video

Shehbaz Sharif Video: 'पाकिस्तान दहशतवाद कधी थांबवणार?' रिपोर्टरच्या थेट प्रश्नावर काय म्हणाले शाहबाज शरीफ? शाब्दिक चकमकीचा व्हिडिओ व्हायरल

43.20 कोटींच्या कोकेन प्रकरणात आरोपीला सशर्त जामीन मंजूर; दक्षिण गोवा जिल्हा सत्र न्यायालयाचा मंगेश वाडेकरला दिलासा

Goa Crime: 17 वर्षीय मुलीला पळवून नेऊन केला लैंगिक अत्याचार, डिचोलीतील घटनेनं खळबळ; कणकवलीच्या तरुणाला अटक

SCROLL FOR NEXT