भाजपच्या ज्येष्ठ नेत्या उमा भारती यांनी रविवारी भोपाळमधील एका दारूच्या दुकानात घुसून दगडफेक करून दारूच्या बाटल्या फोडल्या. त्याचा व्हिडिओ त्यांनी स्वतः सोशल मीडियावर शेअर केला आहे. हा व्हिडिओ चांगलाच सोशल मीडियावर व्हायरल होत आहे.
त्यांनी ट्विटमध्ये लिहिले की, भोपाळच्या (bhopal) बरखेडा पठाणी आझाद नगर भेलमध्ये लेबर कॉलनीमध्ये दारूच्या दुकानांची रांग लागली आहे. या दुकानांतून लोकांना दारू दिली जाते. जवळच मंदिर आहे, मुलांची शाळा आहे. मुली व महिला छतावर उभ्या असतात आणि दारूडे अश्लील कृत्य करतात.
तसेच कामगारांची सर्व कमाई या दुकानांमध्ये जाते. हे दुकान सरकारी धोरणाच्या विरोधात असल्याने येथील रहिवासी व महिलांनी आक्षेप नोंदवला, विरोध केला, यावर प्रशासनाने दरवेळी अशी दारूची (alcohol) दुकाने बंद करण्याचे आश्वासन दिले आहे. मात्र, अनेक वर्ष होऊनही तसे होऊ शकले नाही. आज मी प्रशासनाला (administration) आठवडा झाल दुकान बंद करण्याचा इशारा दिला आहे. तरी यावर ठोस पाऊल उचलले गेले नाही. त्यामुळे त्यांनी हे पाऊल उचलले असल्याचे बोलले जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.