भारतीय हवामान खात्‍याने दिलेल्या माहिनुसार यंदा मॉन्‍सूनचे आगन लवकर होण्याची शक्यता वर्तवली आहे. त्यानुसार केरळमध्ये यंदा मॉन्‍सून 27 मे रोजी दाखल होण्याची शक्‍यता आहे. असे असले तरी सध्या उत्तर भारतातील अनेक राज्यांना गेल्या अनेक दिवसांपासून तीव्र उष्णतेचा सामना करावा लागत आहे. ( Madhya Pradesh, Bihar, Jharkhand heat wave continues today ? )

हवामान खात्‍याने आज काही राज्यांमध्ये उष्णतेची लाट येण्याचा इशारा दिला आहे. यानुसार मध्य प्रदेश, बिहार, झारखंडमधील काही भागात उष्णतेची लाट कायम राहू शकते. मात्र, गेल्या आठवड्याच्या तुलनेत उत्तर भारतातील बहुतांश राज्यांमध्ये तापमानात घट होत आहे. बहुतांश राज्यांमध्ये तापमानात घट होत असल्याची दिलासादायक माहिती आहे. त्याचबरोबर काही राज्यांमध्येही पावसाने हजेरी लावली आहे.

मिळालेल्या माहितीनुसार,आज राष्ट्रीय राजधानी दिल्लीचे किमान तापमान 30 अंश सेल्सिअस तर कमाल तापमान 42 अंश सेल्सिअसपर्यंत जाईल. अहमदाबाद, गुजरातमध्येही असेच हवामान राहणार आहे. डेहराडूनमध्ये आजचे किमान तापमान 22 अंश सेल्सिअस तर कमाल तापमान 36 अंश सेल्सिअस राहणार आहे. जयपूर, राजस्थानमध्ये आजचे किमान तापमान 29 अंश सेल्सिअस तर कमाल तापमान 42 अंश सेल्सिअस राहणार आहे.

'या' राज्यांमध्ये आज पावसाची दाट शक्यता

हवामान खात्याने आज अनेक राज्यांमध्ये पावसाचा अंदाज वर्तवला आहे. त्यानुसार, अरुणाचल प्रदेश, आसाम-मेघालय, पश्चिम बंगाल, सिक्कीममध्ये आजसह पाच दिवस पाऊस पडेल. याशिवाय आज मिझोराम, त्रिपुरामध्ये पावसाची शक्यता आहे. केरळ, तामिळनाडू, हिमाचल प्रदेश, उत्तराखंड, कर्नाटक, लक्षद्वीपमध्येही पावसाचा अंदाज वर्तवण्यात आला आहे.