नागरी उड्डाण मंत्री ज्योतिरादित्य सिंधिया यांनी विमान कंपन्यांनी बोर्डिंग पाससाठी जादा शुल्क आकारल्याबाबत केलेल्या तक्रारींची चौकशी करणार असल्याचे म्हटले आहे. वास्तविक, काही लोकांनी स्पाइसजेटबद्दल तक्रार करणाऱ्या केंद्रीय मंत्र्याला टॅग केले होते, ज्याला सिंधिया यांनी उत्तर दिले - "तुमच्याशी सहमत आहे. लवकरात लवकर याची चौकशी करु." (jyotiraditya scindia to examine matter of passengers bing charged for bording pass generation)

दरम्यान, काही एअरलाइन्स 'वेब चेक-इन' चा आग्रह धरतात आणि तसे न करणाऱ्या प्रवाशांकडून जास्तीचे पैसे घेतात, अशी तक्रार अनेकांनी सोशल मीडिया (Social Media) साइट्सवर केली. एवढंच नाही तर काही एअरलाइन्स एअरपोर्ट काउंटरवर बोर्डिंग पास घेणाऱ्यांकडून शुल्क आकारत आहेत. विमानतळ (Airport) काउंटरवर चेक-इनची किंमत 200 रुपये प्रति तिकिट आहे. अनेक युजर्संनी तक्रार केली की, स्पाइसजेट व्यतिरिक्त एअरलाईन कंपनी इंडिगोने देखील असचं केलं आहे. बहुतेकांनी हा ग्राहकांवर अन्याय असल्याचे म्हटले आहे. वेब चेक-इन अनिवार्य असल्यास पेपर बोर्डिंग पासची आवश्यकता का असा प्रश्नही इतरांनी केला.

दुसरीकडे, स्पाइसजेट गेल्या आठवड्यात चर्चेत होती. जेव्हा बंगालमधील दुर्गापूर विमानतळावर लँडिंग करताना एअर टर्ब्युलन्स (Trouble with the environment) चे विमान पडले आणि त्यातील दोन प्रवासी गंभीर जखमी झाले. या प्रकरणाची चौकशी करणार्‍या नागरी विमान वाहतूक महासंचालकांनी 4 मे च्या घटनेत 14 प्रवासी आणि तीन क्रू मेंबर्स जखमी झाल्याचे सांगितले होते. बहुतांश लोकांच्या डोक्याला, मणक्याला, खांद्यावर, कपाळावर आणि चेहऱ्याला दुखापत झाली आहे.