बिहारच्या भोजपूर जिल्ह्यात दरोडेखोरांनी अनेक महिलांचे दागिने चोरले आहेत. हे दरोडेखोर महिलांना त्यांच्या बोलण्यात अडकवतात आणि दिवसाढवळ्या त्यांचे दागिने लुटून पळून जातात. भोजपूर जिल्ह्यातील आराह येथील दरोडेखोरांची टोळी पोलिसांसाठी डोकेदुखी ठरत आहे.

महिलांचे (Women) दागिने लुटण्यासाठी ही टोळी अत्यंत अनोखी पद्धत वापरते. दागिने घालून घराबाहेर पडलेल्या महिलांवर या बदमाशांचे लक्ष असते. टोळीतील लोक अशा महिलांपर्यंत पोहोचतात आणि त्यांना सांगतात की, जिल्ह्य़ातील पोलिस (Police) उपायुक्तांकडून दागिने घालणाऱ्या महिलांचे सर्वेक्षण करण्यात येत आहे. सर्वेक्षणासाठी तुमचे दागिने काढून द्या. आम्ही माहिती लिहून घेतो आणि दागिने तुम्हाला परत करतो.

स्त्रिया त्यांच्या जाळ्यात अडकतात आणि दागिने काढून देतात. दागिने हातात येताच चोर तिथून पळ काढतात. याबाबत अनेक महिलांनी पोलिसांना तक्रार केली आहे. महिलांच्या तक्रारीनंतर शहर पोलिसांनी दरोडेखोरांचा शोध सुरू केला आहे. याबाबत बोलताना पोलिस अधिकारी म्हणाले, दागिने चोरीच्या घटना वाढल्या आहेत. आम्ही याची चौकशी करत आहोत.