Jammu And Kashmir: जम्मू-काश्मीरमधून एक मोठी बातमी समोर येत आहे. दोन दहशतवादी पोलिसांच्या ताब्यातून पळाले आहेत. हे दोन्ही फरार दहशतवादी लष्कर-ए-तैय्यब या दहशतवादी संघटनेशी संबंधित असल्याचे सांगण्यात येत आहे.

पोलीस या दहशतवाद्यांचा शोध घेत आहेत. मिळालेल्या माहितीनुसार, जम्मू-काश्मीरमधून हे दहशतवादी पसार झाले आहेत.

पोलिसांनी (Police) सांगितले की, या दहशतवाद्यांना बारामुल्ला पोलीस ठाण्यात आणले जात होते. मात्र, वाटेतच त्यांनी पोलिसांना चकमा देऊन पळ काढला. त्यानंतर आता, पोलिसांनी राज्यात अलर्ट जारी केला आहे.

दोन्ही दहशतवादी पोलिसांच्या ताब्यातून पळून गेले

पोलिसांकडून मिळालेल्या माहितीनुसार, हे दहशतवादी बारामुल्ला येथील पोलिसांच्या ताब्यातून फरार झाले आहेत. पोलिसांनी राज्यभर अलर्ट जारी केला आहे. दोन्ही दहशतवाद्यांचा (Terrorist) पोलीस कसून शोध घेत आहेत.

मिळालेल्या माहितीनुसार, लष्कर-ए-तैय्यबच्या या दहशतवाद्यांना आज जिल्हा कारागृह बारामुल्ला येथून बारामुल्ला पोलीस ठाण्यात चौकशीसाठी आणले जात होते. मात्र, वाटेतच ते फरार झाले. संपूर्ण खोऱ्यात पोलीस आणि प्रशासन दोघेही सतर्क आहेत.

दोघेही लष्कर-ए-तैय्यब या दहशतवादी संघटनेसाठी काम करत होते

दोन्ही फरार दहशतवाद्यांची ओळख लष्कर-ए-तैय्यब या दहशतवादी संघटनेचे मारुफ नजीर आणि शाहिद शौकत अशी झाली आहे.

विशेष म्हणजे, हे दोन्ही दहशतवादी बारामुल्ला येथील दारुच्या दुकानावर झालेल्या हल्ल्यात सहभागी होते. त्यावेळी, या दोन्ही दहशतवाद्यांना पोलिसांनी अटक केली होती.

हे दोन्ही दहशतवादी लष्कर-ए-तैय्यबसाठी काम करत असल्याची माहिती पोलिस तपासातून समोर आली. या घटनेनंतर पोलिसांनी शोधमोहीम सुरु केली आहे.