PM Modi Kashmir Visit: जैश-ए-मोहम्मद या दहशतवादी संघटनेचा प्रमुख मसूद अझहर याने एप्रिलमध्ये पंतप्रधान नरेंद्र मोदी यांच्या काश्मीर दौऱ्यादरम्यान हल्ल्याची योजना आखली होती. राष्ट्रीय तपास यंत्रणेच्या ( NIA) तपासात ही बाब समोर आली आहे. याप्रकरणी एनआयए आज (19 ऑक्टोबर) विशेष न्यायालयात आरोपपत्र दाखल करणार आहे.

सुंजवानमध्ये 2 दहशतवादी मारले गेले

24 एप्रिल रोजी पंतप्रधान नरेंद्र मोदी (Prime Minister Narendra Modi) जम्मू-काश्मीरच्या दौऱ्यावर गेले होते. पीए मोदींच्या दौऱ्याच्या दोन दिवस आधी 22 एप्रिल रोजी सुंजवान मिलिटरी स्टेशनजवळ सुरक्षा दल आणि दहशतवाद्यांमध्ये चकमक झाली, ज्यामध्ये जैश-ए-मोहम्मदचे (Jaish-E-Mohammed) 2 दहशतवादी मारले गेले. या चकमकीत 1 जवान शहीद तर 4 जण जखमी झाले होते.

पंतप्रधान मोदींनी काश्मीरला दिली मोठी भेट

पंतप्रधान नरेंद्र मोदी जम्मू-काश्मीरमधील (Jammu And Kashmir) सांबा जिल्ह्यातील पल्ली ग्रामपंचायतीमध्ये पोहोचले होते. यादरम्यान ते राष्ट्रीय पंचायती राज दिनाच्या सोहळ्यात सहभागी झाले होते. यादरम्यान पीएम मोदींनी सुमारे 20 हजार कोटींच्या अनेक विकास प्रकल्पांची पायाभरणी केली होती.