Indian Air Force Helicopter Crash:

राजस्थानमधील जैसलमेरमध्ये भारतीय हवाई दलाचे हेलिकॉप्टर कोसळले आहे. राजस्थानमधील जैसलमेरमध्ये हा अपघात झाला. हेलिकॉप्टर पोखरण येथे सुरु असलेल्या सरावात सहभागी होण्यासाठी आले असताना जैसलमेर शहरातील जवाहर कॉलनीजवळ अपघात झाला. अपघाताची माहिती मिळताच अधिकाऱ्यांमध्ये घबराट पसरली.

पोलिस (Police) आणि प्रशासनाचे पथक घटनास्थळी दाखल झाले आहे. पंतप्रधान नरेंद्र मोदी आज पोखरणमध्ये असून ते देशाच्या तिन्ही सैन्यांचा संयुक्त सराव पाहत आहेत, मात्र दरम्यान अपघाताच्या बातमीने वातावरण तणावपूर्ण बनले आहे. अद्याप कोणतीही जीवितहानी झाल्याचे वृत्त नाही.

अपघात झालेल्या हेलिकॉप्टरचे दोन्ही पायलट सुरक्षित आहेत

मीडिया रिपोर्ट्सनुसार, अपघात झालेल्या हेलिकॉप्टरचे दोन्ही पायलट सुरक्षित असल्याचे सांगण्यात येत आहे. ज्या हेलिकॉप्टरचा अपघात (Accident) झाला ते तेजस होते. हवाई दल प्रमुखांनी कोर्ट ऑफ इन्क्वायरीचे आदेश दिले आहेत. दुपारी 2 वाजण्याच्या सुमारास हा अपघात झाला. हेलिकॉप्टर कोसळताच मोठा स्फोट झाला, ज्याने परिसरात राहणाऱ्या लोकांना हादरवून सोडले. स्फोट होताच हेलिकॉप्टरने पेट घेतला. सुदैवाने हेलिकॉप्टर मोकळ्या मैदानात पडले. ते निवासी भागात पडले असते तर मोठी दुर्घटना घडली असती.

अपघात पाहण्यासाठी संपूर्ण शहर जमा झाले

मीडिया रिपोर्ट्सनुसार, अपघातग्रस्त हेलिकॉप्टर जवाहर कॉलनीतील मेघवाल सोसायटीच्या वसतिगृहात घुसले आणि मोकळ्या मैदानात पडले. अपघाताची माहिती मिळताच वसतिगृहात राहणारे लोक धावत आले आणि त्यांनी दोन्ही वैमानिकांना हेलिकॉप्टरमधून बाहेर काढले. अपघाताची बातमी शहरात वाऱ्यासारखी पसरली.

घटनास्थळी नागरिकांची मोठी गर्दी झाली होती. आज जैसलमेर जिल्ह्यातील पोखरण फील्ड फायरिंग रेंजमध्ये तिन्ही सैन्यांचा सराव झाला. घटनास्थळी पंतप्रधान नरेंद्र मोदी, संरक्षण मंत्री राजनाथ सिंह आणि मुख्यमंत्री भजनलाल शर्मा उपस्थित होते. दुपारी 2 वाजता सुरु झालेला हा युद्धाभ्यास 4 वाजेपर्यंत सुरु होता.