History of Grand Cross of the Legion of Honour: पंतप्रधान नरेंद्र मोदी यांना फ्रान्सचे राष्ट्रपती इमॅन्युएल मॅक्रॉन यांच्या हस्ते फ्रान्सचा सर्वोच्च नागरी आणि लष्करी सन्मान ग्रँड क्रॉस ऑफ द लीजन ऑफ ऑनर प्रदान करण्यात आला.

यासह पीएम मोदी हा सन्मान मिळवणारे पहिले भारतीय पंतप्रधान बनले. यासह, पंतप्रधान मोदी हे इतर प्रमुख जागतिक नेत्यांच्या पंक्तीत सामील झाले ज्यांना हा सन्मान देण्यात आला.

पाच पदव्या

लीजन ऑफ ऑनरचे विभाजन पाच पदव्यांमध्ये करण्यात आले आहे. यामध्ये नाइट, ऑफिसर, कमांडर, ग्रँड ऑफिसर आणि ग्रँड क्रॉस अशा पाच पदव्या आहेत.

याची स्थापना 1802 मध्ये फ्रेंच सम्राट नेपोलियन बोनापार्ट यांनी केली होती. यातील पाचवी पदवी नुकतीत पंतप्रधान मोदींना मिळाली आहे. हा पुरस्कार मिळवणारे मोदी हे पहिले भारतीय पंतप्रधान आहेत.

जागतिक दिग्गजांचा सन्मान

भूतकाळात, ग्रँड क्रॉस ऑफ द लीजन ऑफ ऑनर हे जगभरातील निवडक प्रमुख नेते आणि प्रतिष्ठित व्यक्तींनी देण्यात आला आहे.

यामध्ये दक्षिण आफ्रिकेचे माजी अध्यक्ष नेल्सन मंडेला, किंग चार्ल्स - तत्कालीन प्रिन्स ऑफ वेल्स, जर्मनीच्या माजी चांसलर अँजेला मर्केल, बुट्रोस बुट्रोस-घाली आणि संयुक्त राष्ट्रांचे माजी सरचिटणीस यांचा समावेश आहे.

परदेशी नागरिकही पुरस्कारासाठी पात्र

जरी फक्त फ्रेंच नागरिक लीजन ऑफ ऑनरमध्ये सामील होण्यास पात्र असले तरी, फ्रान्स किंवा त्याच्या आदर्शांना समर्थन देणारे इतर नागरिक देखील लीजनचा सन्मान मिळवू शकतात.

सध्या सुमारे 79,000 सदस्य आहेत आणि दरवर्षी फ्रान्स सुमारे 300 परदेशी नागरिकांना हा पुरस्कार प्रदान केला जातो.

दोन शतकांचा इतिहास

द लीजन ऑफ ऑनर ही सर्व क्षेत्रात उत्युंग कार्य करणाऱ्या सर्व पात्र नागरिकांना दिला जाणारा फ्रान्सचा सर्वोच्च पुरस्कार आहे. दोन शतकांपासून ते प्रमुख व्यक्तिमत्त्वांना बहाल करण्यात येत आहे.

उद्देश

नेपोलियनने मुळात राजकीय निष्ठा सुनिश्चित करण्यासाठी या पुरस्काराची सुरुवात केली. राजकीय भेटवस्तू आणि सवलती देण्यासाठी या संस्थेचा वापर केला जाई.

नेपोलियनच्या कालखंडानंतर फ्रेंच राजकीय व्यवस्था अनेक वेळा बदलली, परंतु लीजन ऑफ ऑनरचा वापर सुरूच राहिला.