चंदीगड: राष्ट्रीय स्तरावरील नेमबाज सुखमनप्रीत सिंगच्या हत्येप्रकरणी सीबीआयला मोठे यश मिळाले आहे. कल्याणी सिंह नावाच्या आरोपीला अटक करण्यात आल्याचे सीबीआयकडून सांगण्यात आले आहे. मिळालेल्या माहितीनुसार, आरोपी कल्याणी सिंहची आई हिमाचल प्रदेश उच्च न्यायालयाच्या न्यायाधीश आहेत. त्याच वेळी, मृत मुलाचे वडील पंजाब आणि हरियाणा उच्च न्यायालयात सहायक सॉलिसिटर जनरल होते, मुलाचे आजोबा पंजाब आणि हरियाणा उच्च न्यायालयात न्यायाधीश होते. लव्ह अँगलमुळे मुलाची हत्या झाल्याचं या घटनेबाबत बोललं जात आहे. (Sippy Sidhu Murder Case)

राष्ट्रीय स्तरावरील नेमबाज आणि वकील सुखमनप्रीत सिंग सिद्धू उर्फ ​​सिप्पी सिद्धूची चंदीगडमधील सेक्टर 27 येथील उद्यानात गोळ्या झाडून हत्या करण्यात आली होती. घटनेच्या जवळपास सात वर्षांनंतर सीबीआयच्या अधिकाऱ्यांनी बुधवारी हिमाचल प्रदेश उच्च न्यायालयाच्या न्यायमूर्ती सबिना यांचा मुलगी कल्याणी सिंगला अटक केली. न्यायमूर्ती सबिना या हिमाचल प्रदेश उच्च न्यायालयाच्या प्रभारी मुख्य न्यायमूर्ती आहेत.

20 सप्टेंबर 2015 रोजी सिप्पीची गोळ्या झाडून हत्या करण्यात आली होती. हत्येत 12 बोअरचे पिस्तूल वापरण्यात आले असून त्यातून चार गोळ्या झाडण्यात आल्या होत्या. चंदीगड पोलिसांनी सेक्टर 26 पोलीस ठाण्यात हत्येप्रकरणी गुन्हा दाखल केला होता. जानेवारी 2016 मध्ये हे प्रकरण सीबीआयकडे वर्ग करण्यात आले, त्यानंतर तपास यंत्रणेने हत्येचा गुन्हा नोंदवून तपास सुरू केला. सप्टेंबर 2016 मध्ये सीबीआयच्या अधिकार्‍यांनी हत्येचा सुगावा देणाऱ्यांना 5 लाख रुपयांचे बक्षीस जाहीर केले होते.

सीबीआयने एका वृत्तपत्रात एक जाहिरातही दिली होती ज्यात असे म्हटले होते की, "हत्येच्या वेळी सिप्पीच्या मारेकऱ्यासोबत एक महिला होती. ती गुन्ह्यात सहभागी होती असे मानण्याचे कारण आहे. ही महिला पुढे येवून आपल्या निर्दोष असण्याचे पुरावे आम्हाला देऊ शकते. अन्यथा ती महिला या प्रकरणात गुन्हेगार असल्याचे सिद्ध होईल." डिसेंबर 2021 मध्ये सीबीआयने बक्षीसाची रक्कम 10 लाख रुपये ठेवली होती. मात्र, तपास यंत्रणा हे प्रकरण पुढे नेण्यात अपयशी ठरली. 2020 मध्ये, सीबीआयने न्यायालयात एक "अनाकलनीय अहवाल" देखील दाखल सादर केला होता आणि नमूद केले होते की सिप्पी सिद्धू हत्येतील एका महिलेच्या भूमिकेवर शंका उपस्थित झाल्यामुळे आणखी पुढे तपास करण्यासाठी परवानगी दिली जाऊ शकते.

दरम्यान, कल्याणी सिंगला अटक करण्यात आली होती, हे प्रकरण प्रेमप्रकरणाशी संबंधित आहे, बुधवारी कल्याणीला सीबीआयचे विशेष न्यायदंडाधिकारी सुखदेव सिंग यांच्यासमोर हजर करण्यात आले, त्यांनी त्याला चार दिवसांची सीबीआय कोठडी सुनावली आहे. . या प्रकरणाच्या मागील सुनावणीदरम्यान सीबीआयने सिप्पी हत्या प्रकरणातील पुढील तपासाबाबत स्टेटस रिपोर्ट दाखल करण्यासाठी एक महिन्याची मुदत मागितली होती. मृत सिप्पीचे वडील सहाय्यक सॉलिसिटर जनरल होते तर आजोबा पंजाब आणि हरियाणा उच्च न्यायालयात न्यायाधीश होते. सिप्पी राष्ट्रीय स्तरावरील नेमबाज आणि वकील होती, त्यांची चंदीगडमध्ये लॉ फर्म देखील होती.