गुजरात आणि हिमाचल प्रदेशमधील विधानसभा निवडणुकांची मतमोजणी सकाळी आठपासून सुरु झाली आहे. यामध्ये गुजरातमध्ये भाजप आघाडीवर असल्याचे चित्र दिसत आहे तर हिमाचल प्रदेशमध्ये आता काँग्रेसने आघाडी घेतली आहे.
सुरुवातीला हिमाचल प्रदेशमध्ये भाजप आघाडीवर असल्याचे चित्र दिसत होते. पण सातत्यानं हिमाचलमधील कल बदलत आहेत. सध्या काँग्रेस आघाडीवर आहे. त्या ठिकाणी काँग्रेस आणि भाजप यांच्यात काँटे की टक्कर सुरु आहे.
हिमाचलमध्ये काँग्रेस 38 जागांवर आघाडीवर
सध्या विधानसभा निवडणुकांचे आकडे सातत्यांने बदलत आहेत. मिळालेल्या माहितीनुसार काँग्रेस 37 जागांवर आघाडीवर आहे. तर भाजप 27 जागांवर आघाडीवर आहे. तर तीन जागांवर इतर पक्षांचे उमेदवार आघाडीवर आहेत. हिमाचल प्रदेशमध्ये विधानसभेच्या एकूण 68 जागा आहेत. त्या ठिकाणी बहुमताचा आकडा 35 चा आहे.
सध्या विचार केला तर काँग्रेसने (Congress) बहुमताचा आकडा गाठला आहे. पण अद्याप अंतिम निर्णय जाहिर झालेला नाही. काँग्रेस 37 जागांवर आघाडीवर आहे. त्यामुळे हिमाचलमध्ये भाजपला धक्का देत काँग्रेस सत्तेचा गुलाल उधळणार का याकडे सर्वांचे लक्ष लागले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.