Gujarat Election Result 2022: भारताचा अष्टपैलू खेळाडू रवींद्र जडेजाची पत्नी रिवाबा जडेजा जामनगरमधून (उत्तर) विजयी झाल्या आहेत. त्या भारतीय जनता पक्षाच्या (भाजप) तिकिटावर निवडणुकीच्या रिंगणात उतरल्या होत्या. यावर रिवाबा यांनी आनंद व्यक्त केला. मतमोजणीच्या सुरुवातीच्या टप्प्यापासून त्या आघाडीवर होत्या आणि अखेरीस ती चांगल्या फरकाने जिंकल्या.

56 टक्क्यांहून अधिक मते

निवडणूक आयोगाच्या (Election Commission) अधिकृत आकडेवारीनुसार, मतमोजणीच्या 14 फेऱ्यांनंतर रिवाबा जडेजा यांच्या बाजूने 56 टक्क्यांहून अधिक मते पडली. यावेळी त्यांना 72 हजारांहून अधिक मते मिळाली होती. मतमोजणीच्या 14 फेऱ्यांनंतर आम आदमी पक्षाचे करशनभाई यांना 29 हजार, तर काँग्रेसचे बिपेंद्रसिंग जडेजा यांना 19678 मते मिळाली.

रिवाबाने विजयाची नोंद केली

रिवाबा जडेजा यांनी सुरुवातीपासूनच चांगली आघाडी घेतली होती. जामनगर उत्तर जागेवर त्यांचा विजय निश्चित झाल्यावर त्यांनी मतदार आणि कार्यकर्त्यांचे आभार मानले. त्या म्हणाल्या की, 'ज्यांनी मला उमेदवार म्हणून आनंदाने स्वीकारले, माझ्यासाठी काम केले आणि लोकांपर्यंत पोहोचले त्यांचे मी खूप आभारी आहे. हा फक्त माझा विजय नाही तर तुम्हा सर्वांचा विजय आहे.' गुजरातमधील 182 विधानसभांपैकी 150 जागांवर भाजपचा (BJP) विजय निश्चित आहे. राज्यात पुन्हा एकदा पक्ष स्थापनेची तयारी करत आहे.

2 टप्प्यात निवडणुका झाल्या

गुजरातमधील 33 जिल्ह्यांतील विधानसभेच्या 182 जागांसाठी 1 डिसेंबर आणि 5 डिसेंबरला दोन टप्प्यांत निवडणुका झाल्या. गुजरातमध्ये यावर्षी विधानसभा निवडणुकीत 66.31 टक्के मतदान झाले, जे 2017 च्या मागील निवडणुकीत झालेल्या 71.28 टक्के मतदानापेक्षा कमी होते. पहिल्या टप्प्यात सुमारे 60.20 टक्के मतदान झाले, तर दुसऱ्या टप्प्यात 64.39 टक्के मतदान झाले.