Ghulam Nabi Azad Dainik Gomantak
देश

Ghulam Nabi यांच्याकडून डेमोक्रेटिक 'आझाद' पक्षाची घोषणा

पक्षाच्या ध्वजाचेही अनावरण; उर्दू, संस्कृत भाषेतील 1500 नावे आली होती

गोमन्तक डिजिटल टीम

Ghulam Nabi Azad : जम्मू आणि काश्मिरचे माजी मुख्यमंत्री आणि काँग्रेसचे पूर्वाश्रमीचे ज्येष्ठ नेते गुलाम नबी आझाद (Ghulam Nabi Azad) यांनी सोमवारी नवरात्रौत्सवाच्या पहिल्या दिवशी त्यांच्या नव्या पक्षाची स्थापना केली. डेमोक्रेटिक आझाद पार्टी (Democratic Azad Party) असे त्यांच्या पक्षाचे नाव आहे. पक्षाच्या ध्वजाचे अनावरणही त्यांनी केले. आझाद यांच्या पक्षाच्या ध्वजात (Party Flag) तीन रंगांचा समावेश आहे. आडव्या ध्वजात निळा, पांढरा आणि पिवळ्या रंगाचे तीन उभे पट्टे आहेत. (Ghulam Nabi Azad announces his new political party name and unveils new flag)

रविवारी आझाद यांनी त्यांच्या पक्षाचे नेते आणि कामगारांची बैठक घेतली होती. त्यानंतर सोमवारी त्यांनी याबाबत घोषणा केली. आझाद म्हणाले की, आम्हाला असे नाव हवे होते जे लोकशाहीवादी, शांततावादी आणि स्वतंत्र वाटेल. माझ्या पक्षाच्या नावासाठी उर्दू, संस्कृत अशा भाषेतील जवळपास 1500 नावे माझ्याकडे आली होती. हिंदी आणि उर्दू या भाषांचे मिश्रण म्हणजे हिंदुस्थानी. ध्वजातील पिवळा रंग हा सृजनशीलता, विविधतेत एकता दर्शविणारा आहे. पांढरा रंग शांततेचे प्रतिक आणि निळा रंग स्वातंत्र्य, आकाशाची उंची आणि समुद्राची खोली दर्शविणारा आहे. पक्षाची विचारसरणी पक्षाच्या नावाप्रमाणेच असेल. धर्मनिरपेक्ष लोक पक्षात सहभागी होऊ शकतात.

73 वर्षीय आझाद यांनी 26 ऑगस्ट रोजी काँग्रेसचा (Congress) राजीनामा दिला होता. काँग्रेसचे माजी अध्यक्ष राहुल गांधी (Rahul Gandhi) हेच त्यांच्या कार्यपद्धतीतून पक्षाला उद्ध्वस्त करत आहेत, अशी टीका करत त्यावेळीच त्यांनी नवा पक्ष स्थापन करणार असल्याची घोषणा केली होती. जम्मू-काश्मिरला पुन्हा राज्याचा दर्जा मिळवून देणे आणि भूमिपुत्रांना रोजगार, निवारा देणे हा पक्षाचा अजेंडा असेल, असे त्यांनी स्पष्ट केले होते. त्यावेळी काँग्रेसमधील जवळपास दोन डझनभर महत्वाच्या नेत्यांनीही आझाद यांच्या समर्थनात काँग्रेसचा राजीनामा दिला होता. यात माजी मुख्यमंत्री तारा चंद यांच्यासह माजी मंत्री, माजी आमदारांचाही समावेश होता. याशिवाय मेहबूबा मुफ्तींच्या पीडीपी आणि आणि अपनी पार्टी या पक्षातूनही दोन माजी आमदार आझाद यांना येऊन मिळाले होते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

कुलगाममधील CRPF पथकावर हल्ला करणाऱ्या दहशतवाद्यांचा खात्मा; लष्कर-ए-तैयबाचा कमांडर लतीफ भटसह दोन दहशतवादी चकमकीत ढेर

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

SCROLL FOR NEXT