दिल्ली: मोस्ट वाण्टेड गँगस्टर जितेंद्र उर्फ गोगी याची रोहिणी कोर्टात गोळी झाडून हत्या केल्याची दुर्दैवी घटना घेतली आहे. रोहिणी कोर्ट नंबर 2 मध्ये जितेंद्रला हजर केले असता वकिलांच्या वेशभूषा करून आलेल्या दोघांनी त्याला गोळ्या घालून त्याची हत्या केली. त्याचा जितेंद्रचा जागीच मृत्यू झाला. यानंतर लगेचच पोलिसांनी शूटआऊट करून दोघांना ठार केले. दिल्ली पोलिसांच्या विशेष पथकाने हा एन्काऊंटर केला. हल्ला करणारे विरोधी गटातील होते असे सांगितले जात आहे.

जितेंद्र गोगी, अनेक गुन्हेगारी (Crime)प्रकरणात तो दोषी आढळून आला होता. सध्या त्याला तिहार तुरुंगात ठेवण्यात आले होते. सुनावणीसाठी न्यायालयात हजर करताना प्रतिस्पर्धी सदस्य वकीलांचे कपडे घालून कोर्टात दाखल झाले. त्यांनी त्याच्यावर गोळीबार केला. कोर्टाच्या आवारात कडक सुरक्षा असून प्रत्येकाची तपासणी गेटवरच केली जाते. परंतु हल्लेखोरांनी वकिलांच्या कपड्यात असल्यामुळे ते सुरक्षा तपासणीतून सहज निसटले.

दिल्ली पोलीस गुंड जितेंद्र गोगी याला एक खटल्याच्या सुनावणीसाठी रोहिणी कोर्टात आणले होते. या दरम्यान वकिलाच्या कपड्यात येऊन दोघांनी गोळीबार केला. प्रतिउत्तर देत पोलिसांनी दोघांना जागीच ठार केले. यानंतर लगेच गोगीला तातडीने रुग्णालयात (hospital)नेण्यात आले, आणि त्याचा मृत्यू झाला. जितेंद्र गोगी वर खून आणि दरोड्यासह अनेक गंभीर गुन्हे दाखल होते. त्यामुळे त्याला तिहार जेल मध्ये ठेवण्यात आले होते. जिथून त्याला त्यांच्या खटल्याच्या सुनावणीसाठी न्यायालयात हजर करण्यात येत होते.