Amarinder Singh Wife: पटियाला येथील खासदार आणि पंजाबचे माजी मुख्यमंत्री कॅप्टन अमरिंदर सिंग यांच्या पत्नी परनीत कौर यांना काँग्रेसमधून निलंबित करण्यात आले आहे.

परनीत कौर यांना आपली बाजू मांडण्यासाठी तीन दिवसांची मुदत देण्यात आली आहे. पंजाब प्रदेश काँग्रेस कमिटीचे प्रमुख अमरिंदर सिंह राजा वडिंग यांच्या तक्रारीवरुन काँग्रेसने ही कारवाई केली आहे.

दरम्यान, पंजाब प्रदेश काँग्रेस कमिटीचे प्रमुख अमरिंदर सिंह राजा वडिंग यांच्या तक्रारीनंतर काँग्रेसने ही कारवाई केली आहे. राजा वडिंग यांनी परनीत कौर यांच्यावर पक्षविरोधी कारवायांमध्ये सहभागी असल्याचा आणि भाजपला मदत केल्याचा आरोप केला आहे.

अशीच मते इतर नेत्यांनीही काँग्रेस (Congress) हायकमांडसमोर मांडली. यानंतर ही तक्रार शिस्तपालन समितीकडे पाठवण्यात आली. तपासानंतर परनीत कौर यांना निलंबित करण्याचा आदेश जारी करण्यात आला.

दुसरीकडे, परनीत कौर या पटियालाच्या खासदार आहेत. त्यांचे पती कॅप्टन अमरिंदर सिंग यांनी भाजपमध्ये प्रवेश केला. मात्र परनीत कौर यांनी यावर कधीही कोणतेही वक्तव्य केले नाही.

नोव्हेंबर 2021 मध्ये, पक्षाने पटियालाच्या खासदार परनीत कौर यांना नोटीस बजावून त्यांच्या कथित 'पक्षविरोधी कारवाया' आणि त्यांचे पती कॅप्टन अमरिंदर सिंग (Captain Amarinder Singh), जे आता भाजपचा भाग आहेत, यांच्या बाजूने केलेल्या खुलाशाबद्दल स्पष्टीकरण मागितले होते.