छत्तीसगडमधील (Chhattisgarh) मुंगेली येथे लहान भावाशी झालेल्या भांडणाचा बदला घेण्यासाठी 12 वीत शिकणारा विद्यार्थी तलवार घेऊन शाळेत (School) पोहोचला. शिक्षक (Teacher) व विद्यार्थ्यांनी ते पाहिल्यानंतर व्हरांड्याच्या गेट भितीने आतून बंद केले. सुमारे तासभर हा विद्यार्थी (Students) बाहेर तलवार घेऊन विद्यार्थी व शिक्षकांना धमकावत राहीला. दरम्यान, शाळेत उपस्थित असलेले सर्वजण भीतीने शाळेच्या आतच थांबले. हे धक्कादायक प्रकरण मुंगेली जिल्ह्यातील सरगाव पोलीस ठाण्याच्या हद्दीतील बाओली उच्च माध्यमिक विद्यालयामध्ये घडले. या घटनेचा व्हिडिओ समोर आल्यानंतर पोलिसांनी (Police) आरोपी विद्यार्थ्याविरुद्ध गुन्हा दाखल केला आहे.

वास्तविक, सहामाही परीक्षेसाठी शाळेत शिक्षक बैठक व्यवस्था करण्यात व्यस्त होते. दरम्यान, बारावीत शिकत असलेल्या विद्यार्थ्याच्या लहान भावाचे दुसऱ्या विद्यार्थ्याशी भांडण झाले. आरोपींनी विद्यार्थ्यांशी हाणामारी केली. शिक्षक ब्रिजेश कौशिक यांनी त्याला अडवले असता त्याने घरी जाऊन तलवार आणली. शिक्षक व विद्यार्थ्यांनी त्याला तलवारीने पाहिले असता व्हरांडयाचे गेट आतून बंद केले. दरम्यान, विद्यार्थ्याने बाहेरुन तलवारी फिरवत सर्वांना धमकावत शिवीगाळही केली.

शिवाय, तिथे उपस्थित असलेल्या एका विद्यार्थ्याने या घटनेचा मोबाईलमध्ये व्हिडिओ बनवला. दरम्यान, विद्यार्थ्याने शिक्षक ब्रिजेश कौशिक यांच्यासह अनेकांच्या गाडीची तोडफोड केली. हा विद्यार्थी बाओली येथील रहिवासी आहे. त्याचे धाकटे दोन भाऊ एकाच शाळेत शिकतात. याप्रकरणी शाळा व्यवस्थापनाने सरगाव पोलीस ठाण्यात तक्रार दिली आहे.