हैदराबाद: हैदराबादच्या रायदुर्गम पोलीस स्टेशन परिसरात असलेल्या बावर्ची हॉटेलच्या इमारतीला भीषण आग लागली आहे. घटनेच्या वेळी इमारतीत अनेक लोक अडकल्याची भीती व्यक्त करण्यात येत आहे. त्याचवेळी आगीची माहिती मिळताच अग्निशमन दलाच्या अनेक गाड्या घटनास्थळी पोहोचल्या असून आगीवर नियंत्रण मिळवण्याचे शर्थीचे प्रयत्न सुरू आहेत.

(Firefighters and a crane rescued 10 people at the Bawarchi Hotel)

ताज्या माहितीनुसार अग्निशमन विभागाने तासाभराच्या प्रयत्नानंतर आग आटोक्यात आणली आहे. त्याचबरोबर क्रेनच्या सहाय्याने इमारतीत अडकलेल्या सर्वांना सुखरूप बाहेर काढण्यात आले आहे. अग्निशमन दलाचे पथक आगीचे कारण शोधण्याचा प्रयत्न करत आहे मात्र अद्याप कारण स्पष्ट झालेले नाही. अग्निशमन विभागाच्या अधिकाऱ्याच्या म्हणण्यानुसार आग वेळीच आटोक्यात आणली, अन्यथा मोठी दुर्घटना होऊ शकते.