Trending Video 2025: सोशल मीडिया ही अतरंगी व्हिडिओ आणि फोटोंची एक वेगळीच दुनिया आहे. सहसा जे प्रकार खूप कमी पाहायला मिळतात किंवा अजिबात दिसत नाहीत, अशाच गोष्टी लोक रेकॉर्ड करुन किंवा फोटो काढून सोशल मीडियावर पोस्ट करतात आणि त्या प्रचंड व्हायरलही होतात. तुमच्या टाइमलाईनवरही तुम्ही असे अनेक व्हिडिओ आणि फोटो व्हायरल होताना पाहिले असतील आणि त्यांचा आनंदही घेतला असेल. आता असाच एक छोटा पण अनोखा व्हिडिओ व्हायरल होत आहे, ज्यामुळे नेटकरीही चक्रावले आहेत.

आधी हा व्हिडिओ पाहा!

व्हिडिओमध्ये काय दिसलं?

दरम्यान, सध्या व्हायरल होत असलेला व्हिडिओ खूपच छोटा असला तरी तो तेवढाच अनोखा आहे. व्हिडिओमध्ये दिसते की, रस्त्याच्या कडेला काही केळी ठेवलेली आहे आणि एक व्यक्ती त्या केळीजवळ आहे. आश्चर्याची गोष्ट म्हणजे, ती व्यक्ती माकडासारखी वाकून केळ्यांना धरुन बसलेली आहे आणि तिच्यासमोर एक माकड (Monkey) उभे आहे. ते माकड केळे उचलू इच्छिते, पण त्या व्यक्तीची 'अतरंगी' आणि विचित्र कृती पाहून ते स्वतःच घाबरते. सामान्यतः, माकडाला पाहून माणूस दूर होतो, पण या व्हिडिओमध्ये त्या व्यक्तीच्या विचित्र कृतीमुळे ते माकड घाबरुन पळ काढते. एवढेच नाहीतर त्याच्यासोबत असलेले दुसरे माकडही घाबरुन पळून जाते.

सोशल मीडियावर चर्चा

तुम्ही पाहिलेला हा व्हिडिओ एक्स (पूर्वीचे ट्विटर) प्लॅटफॉर्मवर @naziya3030 नावाच्या अकाउंटवरुन पोस्ट करण्यात आला आहे. व्हिडिओ पोस्ट करताना कॅप्शनमध्ये लिहिले की, "असे लोक कोणत्या दुनियेतून येतात." बातमी लिहेपर्यंत हा व्हिडिओ अनेक लोकांनी पाहिला आहे. व्हिडिओ पाहिल्यानंतर अनेकांनी मजेशीर कमेंट्स केल्या. एका यूजरने कमेंट करत लिहिले की, "कुठून येतात यार हे लोक." दुसऱ्याने लिहिले की, "चांगला नमुना पकडला." तर तिसऱ्याने "मंगळ ग्रहावरुन तो आला..." अशी गंमतीशीर कमेंट केली आहे. तर दुसरीकडे, अनेक युजर्संनी हसण्याचे इमोजी शेअर करत आपली प्रतिक्रिया दिली आहे.