Rahul Gandhi Dainik Gomantak
देश

National Herald Case: राहुल गांधींना ईडीने पुन्हा बोलावले

काँग्रेसचे माजी अध्यक्ष राहुल गांधी सोमवारी अंमलबजावणी संचालनालयासमोर (ईडी) हजर झाले.

दैनिक गोमन्तक

काँग्रेसचे माजी अध्यक्ष राहुल गांधी सोमवारी अंमलबजावणी संचालनालयासमोर (ईडी) हजर झाले. नॅशनल हेराल्डशी संबंधित कथित मनी लाँड्रिंग प्रकरणात सुमारे साडेआठ तास एजन्सीने त्यांची चौकशी केली.

अधिकाऱ्यांनी दिलेल्या माहितीनुसार, राहुल गांधी (Rahul Gandhi) सकाळी 11.10 वाजता एपीजे अब्दुल कलाम रोड येथील ईडीच्या मुख्यालयात पोहोचले. कायदेशीर प्रक्रिया पूर्ण केल्यानंतर आणि सुमारे 20 मिनिटे त्यांची उपस्थिती नोंदवल्यानंतर चौकशी करण्यात आली. त्यानंतर रात्री 9.30 च्या सुमारास चौकशी केल्यानंतर त्यांना सोडून देण्यात आले. एएनआय वृत्तसंस्थेनुसार, ईडीने राहुल गांधींना उद्या म्हणजेच मंगळवारी पुन्हा हजर राहण्यास सांगितले आहे.

दरम्यान, पहिल्या फेरीच्या चौकशीनंतर राहुल गांधींना दुपारी 2.10 च्या सुमारास ईडीच्या मुख्यालयातून जेवणासाठी जाण्याची परवानगी देण्यात आली. दुपारच्या जेवणानंतर ते दुपारी साडेतीन वाजता पुन्हा ईडीसमोर हजर झाले. पहिल्या फेरीत राहुल गांधींची सुमारे तीन तास ईडीने चौकशी केली, तर दुसऱ्या फेरीत साडेपाच तास चर्चा झाली. मनी लाँड्रिंग (Money laundering) प्रतिबंधक कायद्याच्या कलम 50 अंतर्गत राहुल गांधी यांनी आपले म्हणणे लेखी स्वरुपात दिल्याचे समजते.

काँग्रेस नेत्यांचा निषेध

सकाळी राहुल गांधी काँग्रेस (Congress) मुख्यालयातून ईडी कार्यालयात चौकशीसाठी पोहोचले. यावेळी राजस्थानचे मुख्यमंत्री अशोक गेहलोत, छत्तीसगडचे मुख्यमंत्री भूपेश बघेल, पक्षाच्या सरचिटणीस प्रियंका गांधी वढेरा, काँग्रेसचे अनेक ज्येष्ठ नेते आणि मोठ्या संख्येने कार्यकर्ते पोहोचले आणि त्यांनी राहुल गांधींना पाठिंबा दर्शवला. राहुल गांधींचा ताफा ईडीच्या मुख्यालयात पोहोचला तेव्हा प्रियांका गांधीही त्यांच्या शेजारी कारमध्ये बसल्या होत्या.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Mumbai Goa Highway: पावसाचा कहर! मुंबई-गोवा महामार्गावर दिसली जखमी मगर, मुसळधार पावसाचा वन्यजीवांना धोका

Goa Live News: ... आणि मांजरीने घेतला छत्रीचा आसरा!

Horoscope: गजकेसरी योगाला मंगळाची साथ, 'या' 4 राशींना मिळेल धनलाभ आणि सन्मान

King Kohli journey,: 18 ऑगस्ट, 18 नंबर जर्सी! 17 वर्षांपूर्वी आजच्याच दिवशी सुरु झाला कोहलीचा ‘किंग’ बनण्याचा प्रवास; जाणून घ्या विराटचे रेकॉर्ड्स

MLA Disqualification Petition: गोव्यातील ‘त्या’ 8 आमदारांच्या भवितव्याचं काय? चोडणकरांच्या याचिकेवर सर्वोच्च न्यायालयात होणार सुनावणी!

SCROLL FOR NEXT