महिलेसोबत काल रात्री एका पबमध्ये गैरवर्तन केल्याच्या आरोपावरुन द्वारका डीसीपी शंकर चौधरी यांना त्यांच्या पदावरुन तत्काळ हटवण्यात आले आहे. दिल्ली पोलीस आयुक्तांच्या कार्यालयातून जारी करण्यात आलेल्या आदेशानुसार शंकर चौधरी यांना पोलीस मुख्यालयात येण्याचे आदेश देण्यात आले आहेत.

दरम्यान, प्रत्यक्षात काल रात्री तीन वाजण्याच्या सुमारास पबमधून पीसीआर कॉल आला, ज्यामध्ये महिलेशी (Women) गैरवर्तन झाल्याचा आरोप करण्यात आला. महिलेच्या पतीने आयपीएस अधिकारी आणि डीसीपी द्वारका शंकर चौधरी यांच्यावर गैरवर्तनाचा आरोप केला आहे. फोन करणाऱ्याने पीसीआर कॉलवर सांगितले की, 'डीसीपी शंकर चौधरी यांनी दारूच्या नशेत पत्नीच्या डोक्यावर काच मारली. महिलेच्या डोक्याला गंभीर दुखापत झाल्यानंतर तिला मॅक्स साकेत रुग्णालयात नेण्यात आले.'

तसेच, हायप्रोफाईल प्रकरणामुळे त्यांना पदावरुन हटवण्यात आले. शनिवारी पीडित महिलेचे वक्तव्यही समोर आले. महिलेने रेकॉर्ड केलेल्या व्हिडिओमध्ये म्हटले की, 'काल रात्री मी कुटुंबासह बर्थडे पार्टीसाठी पबमध्ये गेले होते.' तिथे डीसीपी शंकर चौधरी कुटुंबासह उपस्थित होते. महिलेच्या म्हणण्यानुसार, यावेळी माझ्या डोक्यात बाटली फोडली.