Air India: विमानात नशेमध्ये धुंद असणाऱ्या एका व्यक्तीने एका महिलेवर लघुशंका केल्याची निंदाजनक घटना घडली आहे. महिलेने तक्रार केल्यानंतर या व्यक्तीचा शोध सुरु केला आहे. मिळालेल्या माहितीनुसार, या व्यक्तीचे नाव शेखर वर्मा असून पेशाने ही बिझनेसमॅन आहे.

शेखर वर्मा मुंबई ( Mumbai )चा रहिवासी असल्याची माहीतीही पोलीसांना मिळाली आहे. हा किळसवाणा प्रकार समोर आल्यानंतर एअर इंडियाने शेखर वर्माच्या 30 दिवस प्रवासावर बंदी घातली आहे.

महिलेच्या तक्रारीनंतर आयपीसी 510 नुसार नशेत सार्वजनिक ठिकाणी दुर्व्यवहार करणे. 509 नुसार महिलेचा अपमान करणे. 294 नुसार सार्वजनिक ठिकाणी अश्लील गाणे म्हणणे किंवा वाजवणे. 354 नुसार अपमान करण्याचा प्रयत्न आणि 23 एअरक्राफ्ट नुसार केस दाखल केली आहे.

दरम्यान, आरोपीला पकडण्याचा प्रयत्न सुरु केला आहे. दिल्ली( Delhi ) पोलिसांनी दाखल केलेल्या एफआयआरमध्ये ज्या संहिता लावल्या आहेत. त्यानुसार आरोपीला तीन वर्षाची जेल होऊ शकतो.