Viral Video Dainik Gomantak
देश

Viral Video: 22 वर्षापूर्वी बेपत्ता झालेला 'तो' साधूच्या वेशात समोर आला; अमेठीत मायलेकाच्या भेटीचा भावूक क्षण

Viral Video: 22 वर्षांनंतर साधू म्हणून घरी परतलेल्या आपल्या मुलाच्या घर वापसीसाठी वडील आता आपली शेती गहाण ठेवण्याच्या तयारीत आहेत.

Manish Jadhav

Viral Video: 22 वर्षांनंतर साधू म्हणून घरी परतलेल्या आपल्या मुलाच्या घर वापसीसाठी वडील आता आपली शेती गहाण ठेवण्याच्या तयारीत आहेत. खरे तर, साधू बनलेला तरुण भंडारा आयोजित करुनच घरी परतणार आहे. कुटुंबातील सदस्य यासाठी 3 लाख 60 हजार रुपयांची व्यवस्था करण्यात व्यस्त आहेत. दरम्यान, खरौली गावचे रतिपाल दिल्लीत काम करतात. त्यांचा मुलगा पिंकू फेब्रुवारी 2002 मध्ये बेपत्ता झाला होता. बराच शोध घेऊनही तो सापडला नाही. याप्रकरणी गुन्हाही दाखल करण्यात आला होता. 27 जानेवारी रोजी एक तरुण सारंगी वाजवत साधूच्या वेशात गावात पोहोचला आणि त्याने आपली ओळख काका आणि गावातील इतर लोकांना सांगितली. यानंतर गावकऱ्यांनी यासंबंधीची माहिती त्याच्या वडिलांना दिली.

दरम्यान, माहिती मिळताच रतिपाल गावात पोहोचले आणि मुलाची भेट घेतली. मुलाच्या पोटावरील खून पाहून त्याची ओळख पिंकू अशी झाली. त्याच्या घरी परतण्यासाठी कुटुंबीयांनी खूप प्रयत्न केले. पण, वडिलांना भेटल्यानंतर गावातून मिळालेली भिक्षा घेऊन तो निघून गेला. बानी गावचा रहिवासी संतोष सिंह हाही साधूच्या वेशात त्याच्यासोबत होता. तोही सात वर्षांपूर्वी बेपत्ता झाल्याचे सांगण्यात येत आहे. आता त्याचे कुटुंबीयही त्याच्याशी संपर्क साधण्याचा प्रयत्न करत आहेत. फोटोवरुन ओळख पटली असून घरी परतण्यासाठी प्रयत्न सुरु असल्याचे काका फौजदार यांनी सांगितले.

साधू भेटल्यानंतर आयुष्य बदलले

रतिपाल यांनी सांगितले की, वयाच्या 11 व्या वर्षी बेपत्ता झालेल्या पिंकूची दिल्लीतील एका साधूची भेट झाली होती. यानंतर तो त्यांच्यासोबत साधू म्हणून जीवन जगू लागला. 22 जानेवारीला अयोध्येतील राम मंदिर प्राणप्रतिष्ठा कार्यक्रमात सहभागी झाल्यानंतर तो भिक्षा घेण्यासाठी त्यांच्या घरी पोहोचला होता.

वडील रतिपाल यांनी पुढे सांगितले की, आपल्या मुलाच्या घरी वापसीसाठी गोरखपूरमध्ये भंडारा आयोजित करावा लागेल. त्यात तीन हजार साधू सहभागी होणार आहेत. दक्षिणा आणि भोजनासाठी प्रति साधू 360 रुपये दराने 11 लाख रुपये आवश्यक आहेत. बरीच विनवणी केल्यानंतर आता 3 लाख 60 हजार रुपये देऊन मुलाला परत देण्याचे मान्य करण्यात आल्याचे सांगितले. या रकमेसाठी वडील शेती गहाण ठेवण्याच्या तयारीत आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

SCROLL FOR NEXT